அரபிக் கடலில் ஒன்று.. குமரி கடலில் மற்றொன்று.. மீண்டும் உருவாகும் புயல்

சென்னை: அரபிக் கடலில் ஏற்கெனவே கியார் என்ற புயல் உருவான நிலையில் தற்போது குமரி கடல் பகுதியில் மீண்டும் ஒரு புயல் வரும் புதன்கிழமை உருவாகிறது.

தமிழகத்தில் வடகிழக்கு பருவமழை காலம் தொடங்கிவிட்டது. இதனால் ஆங்காங்கே விட்டு விட்டு மழை பெய்து வருகிறது. இந்த நிலையில் அரபிக் கடலில் கியார் என்ற புயல் உருவானது.

இது வெள்ளிக்கிழமை அன்று தீவிர புயலாக மாறியது. இதனால் கர்நாடகம், மகாராஷ்டிரம் உள்ளிட்ட பகுதிகளில் கனமழை பெய்யும் என வானிலை மையம் தெரிவித்தது.

இந்த நிலையில் அரபிக் கடலின் கன்னியாகுமரி பகுதி அருகே வரும் புதன்கிழமை மீண்டும் ஒரு புதிய புயல் உருவாக உள்ளது. இந்த புயல் கியார் புயல் பயணிக்கும் அதே பாதையில் பயணிக்கும் என கூறப்பட்டுள்ளது.

Cyclone warning alert message from fisheries dept control room. Spread the msg as much. Safety takes precedence over everything else.#Kanyakumari pic.twitter.com/VqPCSWBiGs

— Sharanya Ari (@sharanya_ari) October 28, 2019

ஏற்கெனவே கியார் புயலால் மீனவர்கள் கடலுக்குள் செல்லாமல் உள்ளனர். தற்போது புதிய புயல் உருவாவதால் மறு அறிவிப்பு வரும் வரை மீனவர்கள் கடலுக்குள் செல்ல வேண்டாம் என அறிவுறுத்தப்பட்டுள்ளனர்.

இந்த புயல் மஞ்சப்பாறை பகுதி வழியே சென்று ஆழ் கடலில் மீன் பிடிக்கும் பகுதிக்கு செல்ல இருப்பதால் குமரி மீனவர்கள் கடலுக்குள் செல்ல வேண்டாம் என கண்டிப்பாக உத்தரவிட்டுள்ளனர்.

English summary

A new cyclone will be formed by Wednesday in Kanyakumari coastal region near Arabian Sea.