ஜெ. சாவுக்கு காரணமானவர்களுடன் அப்பல்லோவுக்கு ரகசிய தொடர்பா? விளாசும் பொன்னையன்

ஜெயலலிதா மரணத்துக்கு காரணமானவர்களுடன் அப்பல்லோ மருத்துவமனைக்கு ரகசிய தொடர்பு உள்ளதா என மாஜி அமைச்சர் பொன்னையன் விளாசியுள்ளார்.

சென்னை: ஜெயலலிதா மரணத்துக்கு காரணமானவர்களுடன் அப்பல்லோ மருத்துவமனைக்கு ரகசிய தொடர்பு உள்ளதா என மாஜி அமைச்சர் பொன்னையன் விளாசியுள்ளார். ஜெயலலிதாவை மருத்துவமனைக்கு கொண்டு செல்வதற்கு மூன்று மணி நேரத்துக்கு முன்பே கருப்பு பூனை படையை அகற்றிவிட்டு போயஸ் கார்டனில் என்ன நடந்தது என்றும் அவர் கேள்வி எழுப்பியுள்ளார்.

ஜெயலலிதா மரணத்தில் நீதிவிசாரணைக் கோரி சென்னை ராஜரத்தினம் ஸ்டேடியம் அருகே ஓபிஎஸ் அதிமுகவினர் உண்ணாவிரதம் மேற்கொண்டனர். இதில் கலந்து கொண்ட முன்னாள் அமைச்சர் பொன்னையன் சுகாதாரத்துறை செயலாளர் ராதாகிருஷ்ணன், அப்பல்லோ மருத்துவமனை நிர்வாகம் மற்றும் சசிகலா தரப்பை வெளுத்து வாங்கினார்.

ஜெயலலிதாவை மருத்துவமனைக்கு கொண்டு செல்வதற்கு 3 மணி நேரத்துக்கு முன்பே கருப்பு பூனை படையை திரும்ப பெற்றது ஏன் என்றும் அவர் கேள்வி எழுப்பினார். ஜெயலலிதாவை மருத்துவமனைக்கு கொண்டு செல்வதற்கு முன்னரே கருப்பு பூனை படையை அகற்றிவிட்டு போயஸ் கார்டனில் என்ன நடந்தது என்றும் அவர் சந்தேகம் தெரிவித்துள்ளார்.

மருத்துவமனையில் சேர்க்கும்போதே ஜெயலலிதா சுயநினைவில்லாமல் இருந்தார் என்று கூறிய பொன்னையன், அப்பல்லோ அறிக்கையில் ஜெயலலிதா சுயநினைவுடன் இருந்தார் என கூறப்பட்டிருப்பதை சுட்டிக்காட்டினார்.

ஜெயலலிதாவுடன் காவிரி விவகாரம் குறித்து அதிகாரிகள் ஆலோசித்ததாக சுகாதாரத்துறை செயலாளரான ராதாகிருஷ்ணன் ஐஏஎஸ் பொய் சொல்கிறார் என்றும் பொன்னையன் குற்றம்சாட்டினார். மேலும் ஜெயலலிதா மரணத்துக்கு காரணமானவர்களுடன் அப்பல்லோவுக்கு ரகசிய தொடர்பு உள்ளதா என்றும் முன்னாள் அமைச்சர் பொன்னையன் கேள்வி எழுப்பியுள்ளார்.

English summary

Former minister ponnaiyan says that Apollo has relationship with the people who are the reason for Jayalalitha's death.three hours before of jayalalitha taken to the hospital the black cats has sent out from Poes garden Ponnaiyan said.