உள்ளாட்சி இடைத் தேர்தலில் சிபிஎம் போட்டி

Published: Sunday, August 31, 2014, 16:34 [IST]

Subscribe to Oneindia Tamil

சென்னை: உள்ளாட்சி இடைத் தேர்தலை திமுக புறக்கணித்துள்ள நிலையில் மற்ற கட்சிகளெல்லாம் போட்டியிடுகின்றன. அந்த வகையில் மார்க்சிஸ்ட் கம்யூனிஸ்ட் கட்சியும் இத்தேர்தலை சந்திக்கவுள்ளதாக தெரிவித்துள்ளது.

இதுகுறித்து அக்கட்சியின் மாநிலச் செயலாளர் ஜி.ராமகிருஷ்ணன் செய்தியாளர்களிடம் பேசுகையில், நடைபெற உள்ள உள்ளாட்சி மன்ற இடைத்தேர்தல் மார்க்சிஸ்டு கம்யூனிஸ்டு கட்சி போட்டியிடும். இந்த தேர்தலில் எதிர்க்கட்சிகள் போட்டியிடுவதற்கான கால அவகாசம் தரப்பட வில்லை.

உள்ளாட்சி தேர்தலை ஜனநாயக முறையில் தன்னிச்சையாக தமிழக தேர்தல் ஆணையம் நடத்த வேண்டும். நிர்வாகம், பண பலத்துடன் தமிழக அரசு செயல்படக் கூடாது என்றார் அவர்.

ஏற்கனவே பாஜக தேர்தலை சந்திக்கப் போவதாக கூறியுள்ளது. அதேசமயம், திமுக புறக்கணிப்பதாக தெரிவித்துள்ளது. தேமுதிக தரப்பு அமைதியாக உள்ளது.

Published On August 31, 2014