ஆர்.கே.நகர்... 5 முறை வென்ற அதிமுக... ஜெ.வுக்கு ஜெயம் உறுதி?

சென்னை : சென்னை ஆர்.கே.நகர் தொகுதி எம்.எல்.ஏ. வெற்றிவேல் தனது பதவியை ராஜினாமா செய்துள்ளார். அதனைத் தொடர்ந்து அந்த தொகுதியில் அதிமுக பொதுச்செயலாளர் ஜெயலலிதா போட்டியிடலாம் என எதிர்பார்க்கப்படுகிறது.

வடக்கு சென்னை பகுதியில் உள்ளது ஆர்.கே.நகர் என சுருக்கமாக அழைக்கப்படும் டாக்டர் ராதாகிருஷ்ணன் நகர் சட்டசபைத் தொகுதி.

இத்தொகுதியை அதிமுகவின் கோட்டை என்றே கூறலாம். இதுவரை அங்கு நடைபெற்ற ஒன்பது சட்டசபைத் தேர்தலில் ஐந்து முறை அதிமுகவே வெற்றி பெற்றுள்ளது. திமுகவும், காங்கிரசும் தலா இரண்டு முறை வெற்றி பெற்றுள்ளனர்.

அதிலும், கடந்த மூன்று முறையும் அதிமுகவே தொடர்ச்சியாக வெற்றி பெற்றுள்ளது. எனவே, அங்கு ஜெயலலிதா களமிறங்கினார் அதிக வாக்குகள் வித்தியாசத்தில் அபார வெற்றி பெறுவார் என அதிமுக வட்டாரத் தகவல்கள் கூறுகின்றன.

இதுவரை அத்தொகுதியில் வெற்றி பெற்றவர்களின் விபரமாவது:-

• 1977ம் ஆண்டு நடந்த சட்டசபைத் தேர்தலில் அதிமுகவைச் சேர்ந்த ஐசரி வேலன் வெற்றி பெற்றார்.

• 1980ம் ஆண்டு நடந்த தேர்தலில் (இந்திரா ) காங்கிரஸ் கட்சியைச் சேர்ந்த வி.ராஜசேகரன் வெற்றி பெற்றார்.

• 1984ம் ஆண்டு காங்கிரஸ் கட்சியைச் சேர்ந்த வேணுகோபால் வெற்றி பெற்றார்.

• 1989ம் ஆண்டு திமுகவைச் சேர்ந்த எஸ்.பி. சற்குணம் வெற்றி பெற்றார்.

• 1991ம் ஆண்டு அதிமுகவைச் சேர்ந்த மதுசூதனன் வெற்றி பெற்றார்.

• 1996ம் ஆண்டு திமுகவைச் சேர்ந்த சற்குணம் வெற்றி பெற்றார்.

• 2001ம் ஆண்டு அதிமுகவைச் சேர்ந்த சேகர்பாபு வெற்றி பெற்றார்.

• 2006ம் ஆண்டு நடந்த தேர்தலிலும் மீண்டும் சேகர்பாபுவே வெற்றி பெற்றார்.

• 2011ம் ஆண்டு நடந்த தேர்தலில் அதிமுகவைச் சேர்ந்த வெற்றிவேல் வெற்றி பெற்றார்.
  

English summary

The ADMK sources says that the party is confident that if Jayalalithaa contest in R.K.nagar, then she will definitely win.