ம.ந.கூவும் களம் குதித்தது.. திருச்சியில் கூட்டணிக் கட்சிகள் போட்டியிடும் வார்டுகளை அறிவித்தது!

திருச்சி: உள்ளாட்சி தேர்தலில் திருச்சி மாநகராட்சியில் மக்கள் நலக் கூட்டணி போட்டியிடும் இடங்களை பற்றிய முதல் கட்ட வார்டு பட்டியல் வெளியாகி உள்ளது.

திருச்சி மாநகராட்சியில் மொத்தம் 65 வார்டுகள் உள்ளன. அதிமுக 65 வார்டுகளிலும் தனித்து களம் காண்கிறது. திமுக 62 வார்டுகளிலும் காங்கிரஸ் கட்சி 3 வார்டுகளிலும் போட்டியிடுகிறது.

மக்கள் நலக் கூட்டணியில் இடம்பெற்றுள்ள மதிமுக 8 இடங்களிலும், மார்க்சிஸ்ட் கம்யூனிஸ்ட் கட்சி 9 இடங்களிலும், இந்திய கம்யூனிஸ்ட் 8 இடங்களிலும் மற்றும் விடுதலைச் சிறுத்தைகள் கட்சி 8 இடங்களிலும் போட்டியிடும் என அறிவிக்கப்பட்டுள்ளது.

மதிமுகவுக்கு 6,13,19,27,38,39,41,52 ஆகிய 8 வார்டுகள் ஒதுக்கப்பட்டுள்ளது. இந்திய கம்யூனிஸ்ட் கட்சிக்கு 12,55,57,58,63 ஆகிய 5 வார்டுகள் ஒதுக்கப்பட்டது. விடுதலை சிறுத்தை கட்சிக்கு 8,15,22,23,28,29,30,35 ஆகிய 8 வார்டுகள் ஒதுக்கப்பட்டது. மார்க்கிஸ்ட் கம்ம்யூனிஸ்ட் கட்சிக்கு 7,14,25,37,49,50,53,60,65 ஆகிய 9 வார்டுகள் ஒதுக்கப்பட்டுள்ளது.

மக்கள் நலக் கூட்டணியின் இரண்டாம் கட்ட வார்டு பட்டியல் வரும் 30ம் தேதி வெளியாகும் என்று அறிவிக்கப்பட்டுள்ளது.

English summary

PWF candidates list local body election for Trichy corporation . Here is the list.