வெடித்தது அதிமுகவில் அதிருப்தி.... சேலம் தெற்கு வேட்பாளருக்கு எதிர்ப்பு - பெண் தீக்குளிக்க முயற்சி
சேலம்: அதிமுக வேட்பாளர் பட்டியல் அறிவிக்கப்பட்ட சில நிமிடங்களிலேயே சேலம் தெற்கு தொகுதி வேட்பாளருக்கு எதிர்ப்பு தெரிவித்து, பெண் ஒருவர் தற்கொலைக்கு முயற்சி செய்த சம்பவம் பரபரப்பை ஏற்படுத்தியுள்ளது.
சேலம் தெற்கு தொகுதி சிட்டிங் எம்.எல்.ஏவாக உள்ள செல்வராசுவிற்கு போட்டியிட வாய்ப்பளிக்காமல், புதிதாக வேறொருவரை தேர்வு செய்ததற்கு அந்த பெண் எதிர்ப்பு தெரிவித்து முழக்கமிட்டார்.
தன் கையில் வைத்திருந்த மண்ணெண்ணெயை ஊற்றிக்கொண்டு தீக்குளிக்கப் போவதாக மிரட்டினார். உடனே அங்கிருந்த அனைவரும் அந்தப் பெண்ணின் தலையில் தண்ணீரை ஊற்றினர்.
அந்தப் பெண் விடாமல் சத்தம் போடவே, அங்கிருந்தவர்கள் தர தரவென இழுத்துக்கொண்டு போய் அறையில் போட்டு அடைத்தனர். செய்தியாளர்களை வீடியோ, போட்டோ எடுக்க விடாமல் தடுத்தனர். பேட்டி கொடுக்கவும் விடவில்லை.
வேட்பாளர் பட்டியல் அறிவித்த சில மணிநேரங்களிலேயே சேலத்தில் பெண் ஒருவர் தீக்குளிக்கப் போவதாக மிரட்டிய சம்பவம் பரபரப்பை ஏற்படுத்தியது.
ஆரம்பிச்சிட்டாங்கய்யா... ஆரம்பிச்சிட்டாங்க... இன்னும் எத்தனைபேர் கிளம்புவாங்களோ தெரியலையே?