தேசிய கீதம் பாடும் போது தீ குளிக்க முயற்சித்த பெண்கள்... அதிர்ந்த முதல்வர் - வீடியோ

சிவகாசியில் எம்ஜிஆர் நூற்றாண்டு விழா மேடை அருகே ஜனகனமன பாடிக்கொண்டிருக்கும் போதே உடலில் மண்ணெண்ணெய் ஊற்றிக்கொண்டு 2 பெண்கள் தீக்குளித்த சம்பவம் பரபரப்பை ஏற்படுத்தியுள்ளது.

சிவகாசி: சிவகாசியில் முதல்வர், துணை முதல்வர், அமைச்சர்கள் இருந்த விழா மேடை எதிரே மாமியார், மருமகள் திடீரென தீக்குளிக்க முயன்றதால் பரபரப்பு ஏற்பட்டது.

சிவகாசியில் எம்ஜிஆர் நூற்றாண்டு விழா பொதுக்கூட்டம் நேற்று நடந்தது. இதில் முதல்வர் பழனிசாமி, துணை முதல்வர் ஓ.பன்னீர்செல்வம் மற்றும் அமைச்சர்கள், எம்எல்ஏக்கள், உயர் அதிகாரிகள் பலர் பங்கேற்றனர்.

முதல்வர் பேசி முடித்த உடன், தேசிய கீதம் ஒளிபரப்பானது. அப்போது பின் வரிசையில் இருந்து வந்த 2 பெண்கள், தங்களின் கைகளில் இருந்த கேனில் இருந்து மண்ணெண்ணெயை திடீரென ஊற்றி தீக்குளிக்க முயன்றனர்.

இதை கவனித்த போலீஸார் உட்பட பலர் அவர்களை காப்பாற்றினர். இதனால் விழா அரங்கமே பரபரப்பானது. முதல்வர் உட்பட அமைச்சர்கள் அதிர்ச்சி அடைந்தனர்.

தீக்குளித்தவர்கள் ராஜபாளையம் நரிமேடு இந்திரா காலனியைச் சேர்ந்த முனீஸ்வரன் என்பவரின் தாயார் பார்வதி,52, மனைவி கனக லட்சுமி, 21 ஆவார்கள். முனீஸ்வரனை ஒரு வழக்கு தொடர்பாக ராஜபாளையம் போலீஸார் சில நாட்களுக்கு முன்பு அழைத்துச் சென்ற நிலையில், அவர் இதுவரை வீடு திரும்பவில்லை என தெரிகிறது.

கணவர் மீது பொய் வழக்கு பதிவு செய்ய திட்டமிடுகின்றனர். முதல்வர் பங்கேற்கும் விழாவில் தீக்குளித்தால்தான் எனது பிரச்சினைக்கு தீர்வு கிடைக்கும் எனக் கருதி வந்தேன் என பார்வதி தெரிவித்துள்ளார். இது குறித்து போலீஸார் தீவிர விசாரணை நடத்தி வருகின்றனர்.

English summary

Women who set self on fire in front of Chief Minister MGR birthday celebration stage in Sivakasi.