கட்டியெழுப்பிய பொருளாதார கோட்டையை பதம் பார்த்துவிட்டதே சீனாவின் கொரோனா... டிரம்ப் ரொம்பவே வருத்தம்!

வாஷிங்டன்: தாம் கட்டியெழுப்பிய உலகின் மிகப் பெரிய பொருளாதாரத்தை சீனாவின் கொரோனா கொடூரமாக சிதைத்துவிட்டதாக அமெரிக்க அதிபர் டொனால்ட் டிரம்ப் கூறியுள்ளார்.

அமெரிக்க அதிபர் தேர்தல் நடைபெற்று வரும் நிலையில் செய்தி நிறுவனம் ஒன்றுக்கு டிரம்ப் அளித்த பேட்டியில் கூறியிருப்பதாவது:

உலகின் மிகப் பெரிய பொருளாதாரத்தை நாங்கள் கட்டமைத்து வைத்தோம். ஆனால் சீனாவில் இருந்து வந்த தொற்று நோயால் அது சிதைக்கப்பட்டுவிட்டது.

கொரோனா தொற்று பாதிப்பால் லாக்டவுனை அமல்படுத்தினோம். சரியான நேரத்தில் முடிவெடுத்து லாக்டவுனை செயல்படுத்தியதால் பல லட்சம் உயிர்களை பாதுகாத்திருக்கிறோம்.

இப்போது மீண்டும் அதே வலிமையான பொருளாதாரத்தை மீண்டும் கட்டமைக்க வேண்டியது இருக்கிறது. எங்களால் அதை செய்ய முடியும். நடப்பாண்டின் 3-வது காலாண்டில் அமெரிக்காவின் பொருளாதார வளர்ச்சி 33.1%.

இத்தகைய விஸ்வரூப வளர்ச்சியை இதற்கு முன்னர் எதிர்கொண்டதே இல்லை. அமெரிக்காவில் இயல்பு நிலை திரும்புகிறது. பள்ளிகள் திறக்கப்பட்டுள்ளன. பொதுமக்கள் பணியிடங்களுக்கு செல்கின்றனர். இவ்வாறு டிரம்ப் கூறினார்.

English summary

US President Donald Trump said that Our greatest economy horribly interrupted by China plague in an interview.