2 ஆண்டு போர் முடிவுக்கு வந்தது.. டிரம்ப் தலைமையில்! இஸ்ரேல் - ஹமாஸ் அமைதி ஒப்பந்தம் கையெழுத்தானது!

வாஷிங்டன்: இஸ்ரேல் - காசா இடையே அமைதி ஒப்பந்தம் கையெழுத்தானது. எகிப்தில் நடைபெற்ற அமைதி உச்சி மாநாட்டில் அமெரிக்க அதிபர் டிரம்ப் தலைமையில் உலக தலைவர்கள் ஆதரவுடன் இஸ்ரேல் காசா அமைதி ஒப்பந்தம் கையெழுத்தாகியுள்ளது. இதன் மூலம் 2 ஆண்டுகளுக்கு மேலாக நடைபெற்று வந்த இஸ்ரேல் - காசா போர் முடிவுக்கு வந்துள்ளது.

கடந்த 2023 ஆம் ஆண்டு அக்டோபர் மாதத்தில் இருந்து இஸ்ரேல் - காசா இடையே போர் மூண்டு நடந்து வருகிறது. கிட்டத்தட்ட இரண்டு ஆண்டுகளாக நீடித்து வந்த இந்த போரால் ஆயிரக்கணக்கானவர்கள் பலியாகினர்.

காசா நகரில் இஸ்ரேல் நடத்திய தாக்குதலில் பலர் வாழ்வாதாரத்தை இழந்து கடும் இன்னல்களை சந்தித்துள்ளனர். அமெரிக்க அதிபராக டிரம்ப் பதவியேற்றதில் இருந்தே, இஸ்ரேலுக்கும் ஹமாஸ் அமைப்பினருக்கும் இடையே நீடித்து வரும் போரை முடிவுக்கு கொண்டு வருவேன் என்று சொல்லி வருகிறார்.

அந்த வகையில் அமெரிக்க அதிபர் டிரம்ப், இஸ்ரேல் - ஹமாஸ் போரை முடிவுக்கு கொண்டு வரும் விதமாக, அமைதி ஒப்பந்தம் கையெழுத்திடும் வகையில் எகிப்தில் மாநாடுக்கு ஏற்பாடு செய்தார். இதன்படி இன்று எகிப்து அதிபர் அப்தல் பத்தா அல்-சிசி ஆகியோரின் தலைமையில் நடந்த மாநாட்டில் இந்த அமைதி ஒப்பந்தமானது கையெழுத்தானது.

பிரான்ஸ் அதிபர் இமானுவேல் மேக்ரான் உள்பட 20-க்கும் மேற்பட்ட நாடுகளின் தலைவர்கள் இந்த மாநாட்டில் பங்கேற்றனர். அமெரிக்க அதிபர் டொனால்டு டிரம்ப் தலைமையில் இஸ்ரேல் - ஹமாஸ் இடையே இன்று இந்த அமைதி ஒப்பந்தமானது கையெழுத்தாகி உள்ளது. இதன் மூலமாக கடந்த இரண்டு ஆண்டுகாலமாக நடந்து வந்த போர் முடிவுக்கு வந்து அமைதி பிறந்துள்ளது.

English summary

A peace agreement has been signed between Israel and Gaza. At the peace summit held in Egypt, the Israel-Gaza peace deal was signed under the leadership of U.S. President Trump, with the support of world leaders. With this, the war between Israel and Gaza, which lasted for over two years, has officially come to an end.