2 உருளைக் கிழங்கு இருந்தால் போதும்! சூப்பரான Crispy French Fries வீட்டிலேயே செய்யலாமே!

French Fries recipe: குழந்தைகள் முதல் பெரியவர்கள் வரை விரும்பி சாப்பிடும் ஸ்னாக்ஸ் பிரென்ச் பிரைஸ்! இதை எப்படி செய்வது என்பதை தெரிந்து கொள்ளலாம். இதெல்லாம் பெரிய விஷயமா என நினைக்காதீர்கள்.

இது சில நேரங்களில் பிரென்ச் பிரைஸ் எண்ணெயில் பொரித்தாலும் மொறுமொறுப்பாக வருவதில்லை. ஆனால் இந்த செய்முறையில் செய்தால் நன்றாக வரும்.

தேவையான பொருட்கள்

பெரிய உருளைக் கிழங்கு- 2
எண்ணெய் பொரிக்க
உப்பு- சிறிது
மிளகாய் தூள்- சிறிது

செய்முறை

முதலில் உருளைக் கிழங்கின் தோலை சீவிக் கொள்ளவும்.

பின்னர் உருளைக் கிழங்கை நீளவாக்கில் கட் செய்து தண்ணீரில் போடுங்கள்.

எல்லாவற்றையும் கட் செய்ததும் தண்ணீரில் இருந்து வடித்து விடுங்கள்.

இட்லி பாத்திரத்தை அடுப்பில் வைத்து அதில் வெந்நீர் காய்ந்ததும் இட்லி தட்டுகளில் எண்ணெய் தடவி, அந்த குழிகளில் சிறிது சிறிதாக கட் செய்த உருளைக் கிழங்கை போட்டு 30 வினாடிகள் மட்டுமே மீடியம் தீயில் வைத்திருக்க வேண்டும்.

இதனால் உருளைக் கிழங்கில் உள்ள ஸ்டார்ச் நன்றாக இறுகி, எண்ணெயில் போட்டதும் உடையாமல் மொறுமொறுப்பாக இருக்கும்.

பின்னர் இட்லி தட்டில் இருந்து எடுத்து ஆறவிடுங்கள். அதற்கு கடாயில் எண்ணெய் காய வைத்து இந்த உருளைக் கிழங்குகளை எடுத்து எண்ணெயில் போடுங்கள்.

எண்ணெயின் சலசலப்பு அடங்கியதும் அதை எடுத்து ஒரு தட்டில் வைத்துக் கொள்ளவும். பிறகு மீண்டும் ஒரு முறை எண்ணெயில் போட்டு பொன்னிறம் ஆகும் வரை பொரித்தெடுக்கவும்.

இதை வடிஜல்லியில் போட்டு எண்ணெய் வடிந்ததும் அதன் மீது உப்பு, மிளகாய் பொடி தூவவும். டொமேட்டோ சாஸுடன் பறிமாறலாம். இந்த சிப்ஸுக்கு சாட் மசாலா, மிளகு பொடி கூட தூவலாம்.