Kerala kadalai curry recipe: கேரளா ஸ்பெஷல் கடலைக் கறி.. இப்படி சமைச்சு பாருங்க

Kerala kadalai curry recipe: கேரளா என்றாலே முதலில் நினைவுக்கு வருவது புட்டும், கடலைக் கறியும் தான். புட்டுக்கு மட்டுமல்ல இடியாப்பம், தோசை, இட்லி, சப்பாத்தி என அனைத்திற்கு அட்டகாசமான காம்பினேஷனாக இருக்கும் கேரளா ஸ்பெஷல் கடலைக் கறி செய்வது எப்படி என்று பார்க்கலாம் வாங்க..

கடலைக் கறி செய்யத் தேவையான பொருட்கள்

கருப்பு சுண்டல் - 1 கப்

வெங்காயம் - 3

பல் பூண்டு - 5

இஞ்சி - சிறிய துண்டு

தக்காளி - 2

மஞ்சள் தூள் - 1/2 ஸ்பூன்

காஷ்மீரி மிளகாய் தூள் - 2 டேபிள் ஸ்பூன்

தனியா தூள் - 2 ஸ்பூன்

துருவிய தேங்காய் - 1/2 கப்

கடுகு - 1 ஸ்பூன்

கறிவேப்பிலை

பச்சை மிளகாய் - 2

பட்டை - 2 துண்டு

கிராம்பு - 4

ஏலக்காய் - 2

சோம்பு - 1 ஸ்பூன்

தேங்காய் எண்ணெய் - 6 டேபிள் ஸ்பூன்

கடலை கறி செய்யத் தேவையான பொருள்கள்

முதலில் கருப்பு சுண்டலை இரவு முழுக்க ஊறவைக்கவும். குக்கரில் கடலையுடன் உப்பு சேர்த்து நன்றாக வேகவைத்துக் கொள்ளவும்.

2. அடுப்பில் கடாயை வைத்து தேங்காய் எண்ணெய் சேர்த்து பட்டை, கிராம்பு, ஏலக்காய், சோம்பு சேர்த்து வதக்கவும்.

3. பெரிய வெங்காயம், இஞ்சி பூண்டு சேர்த்து வதக்கவும். நன்றாக வதங்கியதும் தக்காளியும் சேர்த்து நன்றாக வதக்கவும்.

4. அதில், மிளகாய் தூள், மஞ்சள் தூள், மல்லி தூள் சேர்த்து வதக்கவும். பின்னர், தேங்காய் துருவலை சேர்த்து வதக்கவும்.

5. நன்றாக வதங்கியதும் மிக்ஸி ஜாரில் மசாலா கலவைகளை போட்டு அரைத்துக் கொள்ளவும். பின்னர், சிறிதளவு கடைலையையும் சேர்த்து கொரகொரப்பாக அரைத்துக் கொள்ளவும்.

6. மற்றொரு கடாயை அடுப்பில் வைத்து தேங்காய் எண்ணெய் சேர்த்து கடுகு, வெங்காயம், பச்சைமிளகாய், கருவேப்பிலை சேர்த்து வதங்கிய பின்னர் அரைத்த விழுதுகளை சேர்க்கவும்.

7. தேவையான அளவு உப்பு சேர்த்த்து கொண்டைக் கடலையை போட்டு, தண்ணீரையும் சேர்த்து கொதிக்க விடவும்.

8. நன்றாகக் கொதித்து எண்ணெய் பிரிந்து வந்ததும் கொத்தமல்லி தழை தூவி இறக்கினால் சூப்பரான கேரளா கடலைக் கறி தயார்.

English summary

Kadalai curry recipe in tamil: Let's learn how to make kadalai curry.