மறவாத பாசம்.. பாக்கியலட்சுமி சீரியல் நடிகை தன் மகளுக்கு வைத்த சூப்பர் பெயர்.. குவியும் வாழ்த்துக்கள்

சென்னை: விஜய் டிவியில் ஒளிபரப்பான பாக்கியலட்சுமி சீரியல் மூலம் பிரபலமான நடிகை ரித்திகா தன்னுடைய மகளுக்கு பெயர் சூட்டும் விழா கொண்டாடி இருக்கிறார். அப்போது தன்னுடைய மகளுக்கு தன்னுடைய வாழ்க்கையில் மறக்க முடியாத ஒரு பெயரை சூட்டி இருக்கிறார். அதை குறித்து இன்ஸ்டாகிராம் பக்கத்தில் பதிவு ஒன்று வெளியிட்டு இருக்கிறார்.

பொதுவாக ஒரு சில நடிகைகளை பார்க்கும் போது தான் பார்த்ததும் பக்கத்து வீட்டு பெண் போன்ற ஒரு உணர்வு ஏற்படும். அதுபோன்ற நடிகை தான் ரித்திகா. இவர் விஜய் டிவியில் ஒரு சில நிகழ்ச்சிகளில் தொகுப்பாளராக இருந்திருக்கிறார். அதோடு குக் வித் கோமாளி நிகழ்ச்சியில் குக்காக வந்து அசத்தி இருந்தார்.

அது மட்டும் அல்லாமல் ராஜா ராணி சீரியல் மூலமாகத்தான் இவர் நடிகையாக அறிமுகமானார். ராஜா ராணி சீரியலில் முதல் பாகத்தில் சஞ்சீவ் தங்கை கேரக்டரில் தான் ரித்திகா நடித்திருந்தார். அந்த சீரியல் முடிவடைந்த பிறகு விஜய் டிவியில் பாக்கியலட்சுமி சீரியலில் அமிர்தா கேரக்டரில் நடித்திருந்தார்.

இந்த சீரியலில் ஒரு குழந்தைக்கு அம்மாவாக நடித்திருந்தார். அமிர்தாவை எழில் காதலித்து பல போராட்டங்களுக்குப் பிறகு திருமணம் செய்து கொள்வார். தன்னுடைய மகள் நிலா மீது அதிகமான பாசம் வைத்த ஒரு அம்மாவாக அந்த சீரியலில் ரித்திகா நடித்திருந்தார்.

இந்த சீரியலில் நடித்துக் கொண்டிருக்கும் போது தான் ரித்திகாவிற்கு திருமணம் நடந்தது. அவருடைய கணவர் விஜய் டிவியில் தான் பணியாற்றி வருகிறார். இருவரும் காதலித்த திருமணம் செய்து கொண்டாலும் திருமணத்திற்கு பிறகும் பாக்கியலட்சுமி சீரியலில் ரித்திகா நடித்துக் கொண்டிருந்தார்.

ஆனால் திடீரென்று அந்த சீரியலில் இருந்து விலகிவிட்டார். அதற்கான காரணம் கூட அவர் கூறவில்லை. அதற்கு பிறகு நடிகர் சதீஷ் கதாநாயகனாக நடித்த சட்டம் என் கையில் என்ற திரைப்படத்தில் முக்கிய கேரக்டரிலும் நடித்திருந்தார். இந்த நிலையில் அவருக்கு பெண் குழந்தை சமீபத்தில் பிறந்திருக்கிறது.

குழந்தையின் புகைப்படத்தை சில நாட்களுக்கு முன்பு தன்னுடைய இன்ஸ்டாகிராம் பக்கத்தில் வெளியிட்டிருந்தார். நேற்று அந்த குழந்தைக்கு பெயர் சூட்டு விழா கொண்டாடி இருக்கிறார். அப்போது அந்த குழந்தைக்கு வைத்த பெயரையும் ரசிகர்களிடம் பகிர்ந்து இருக்கிறார்.

அதாவது அவருடைய குழந்தைக்கு "நிலா" என்ற பெயர் சூட்டி இருக்கிறார். பாக்கியலட்சுமி சீரியலில் அவருடைய குழந்தையின் பெயர் நிலா என்பதால் அதையே தன்னுடைய நிஜ குழந்தைக்கு வைத்திருக்கிறார் என்று இவருக்கு பலரும் வாழ்த்துக்கள் கூறி வருகிறார்கள்.

English summary

Famous actress Ritika is celebrating the naming ceremony of her daughter through Baakiyalakshmi serial which aired on Vijay TV. Then he gave his daughter a name that he will never forget in his life. He posted a post about it on his Instagram page.