பாக்கியலட்சுமி சீரியலில் இனி கோபி இவர்தானாம்! பேசி தீர்த்துக்கோங்க,என நடிகர் சதீஷ் வெளியிட்ட வீடியோ

சென்னை; விஜய் டிவியில் ஒளிபரப்பாகி வரும் பாக்கியலட்சுமி சீரியலிலிருந்து கோபி கேரக்டரில் நடித்து வந்த சதீஷ் விலகப் போகிறேன் என வீடியோ வெளியிட்டு இருந்தார்.

இனி கோபியாக நடிகர் பப்லு நடிக்க போகிறார் என்ற தகவல்கள் தற்போது சமூக வலைத்தளத்தில் வேகமாக பரவி வருகிறது.

இத நிலையில் தற்போது கோபியாக நடித்து வரும் சதீஷ் உருக்கமான வீடியோ ஒன்றையும் வெளியிட்டு இருக்கிறார்.

பாக்கியலட்சுமி சீரியல் தற்போது அதிகமான ரசிகர்களை கவர்ந்திருக்கிறது. இந்த சீரியலில் அடுத்து என்ன நடக்கப்போகிறது என்ற எதிர்பார்ப்பு அனைவருடைய மனதிலும் இருக்கிறது. இனி பாக்கியா என்ன மாதிரி முடிவு எடுக்கப் போகிறார் என்று அனைவரும் எதிர்பார்ப்பில் இருக்கின்றனர்.

இந்த நிலையில் தற்போது இந்த சீரியலில் கோபியாக நடித்து வரும் சதீஷ் இந்த சீரியலை விட்டு நான் விலகப் போகிறேன் என்று வீடியோ வெளியிட்டு இருக்கிறார். 10, 15 எபிசோடுகளில் நான் இருக்க மாட்டேன் என்று அவர் கூறியதை கேட்டு ரசிகர்கள் பீல் பண்ணி சமூக வலைத்தளத்தில் அவருக்காக கருத்து வெளியிட்டு வருகின்றனர்.

அதே நேரத்தில் கோபி கேரக்டரில் இனி யார் நடிப்பார் என்ற எதிர்பார்ப்பும் அதிகரித்து இருக்கிறது. அதில் நடிகர் பப்லுவின் பெயர் இப்போது அதிகமாக அடிபட்டு கொண்டிருக்கிறது. ஏற்கனவே அவர் நடித்து வந்த கண்ணான கண்ணே சீரியல் சமீபத்தில் தான் முடிவுக்கு வந்தது. இந்த நிலையில் அவரிடம் பேச்சுவார்த்தை நடத்தி வருவதாக தகவல்கள் வெளியாகி இருக்கிறது.

அதே நேரத்தில் கோபியாக இப்போது வரைக்கும் நடித்து வரும் சதீஷ் உருக்கமாக ஒரு வீடியோ ஒன்றை வெளியிட்டு இருக்கிறார். அதில் சில தருணங்களில் நாம தனியாக இருப்போம் நமக்கு வேண்டப்பட்டவங்க நமக்கு பின்னாடி இருப்பாங்க, இல்லனா நமக்கு முன்னாடி இருப்பாங்க. நமக்கு பின்னாடி இருக்காங்கன்னா நம்ம அவங்கள தாண்டி வந்துட்டோம்.

அது அறிவாலையும், ஆணவத்தாலையோ, அனுபவத்தாலையோ இருக்கும் நமக்கு முன்னாடி அவங்க வந்துட்டாங்கன்னா நாம அவங்க கூட சண்டை போட்டு ஏதோ ஆணவத்தாலையோ, ஈகோவாலையோ நாம பின்னாடி தங்கிட்டோம். எப்படி பார்த்தாலும் தனிமை தனிமை தான். ஆனால் வாழ்க்கையில் பேசிட்டு தீர்க்க முடியாத பிரச்சனை எதுவும் இல்லை.

எவ்வளவு பிரச்சனை வந்தாலும் நண்பர்களுக்குள், நமக்கு வேண்டப்பட்டவங்க கூட உட்கார்ந்து பேசினால் தெளிவு கிடைக்கும் என்று உங்களுக்கு புரிகிறதா என குதர்க்கமாக பேசி இருக்கிறார். இது யாருக்கோ இவர் கொடுக்கும் அறிவுரையா? அல்லது தகவலா? என ரசிகர்கள் கேள்வி கேட்டு வருகின்றனர்.

English summary

Sathish, who was playing the character of Gopi, had released a video saying that he is going to quit the serial Baakyalakshmi which is being aired on Vijay TV.Now the news that actor Bablu is going to act as Gopi is spreading rapidly on social media.In this situation, Satish, who is currently acting as Gopi, has also released a heartwarming video.