BB 8 finale: நெஞ்செல்லாம் பாரமா இருக்கு! முத்துக்குமரன் சொன்ன வார்த்தை! விஜய் சேதுபதி கேட்ட கேள்வி

Updated: Sunday, January 19, 2025, 19:30 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 8 வது நிகழ்ச்சியில் கிராண்ட் பினாலே தற்போது நடைபெற்றுக் கொண்டிருக்கிறது. அப்போது முத்துக்குமரன் பிக் பாஸ் வீட்டிற்குள் கடைசி வாரத்தில் இருக்கும்போது தன்னுடைய மனநிலை எப்படி இருக்கிறது என்பது பற்றி எமோஷனல் ஆக சொல்லி இருக்கிறார். அதற்கு விஜய் சேதுபதி எதிர்பாராத கேள்வி கேட்டு இருக்கிறார்.

பிக் பாஸ் தமிழ் சீசன் 8 வது நிகழ்ச்சி 14 நாட்களை கடந்துவிட்ட நிலையில் இன்று கிராண்ட் பினாலே நடைபெற்றுக் கொண்டிருக்கிறது. இதில் ஃபைனலிஸ்ட் ஆக தேர்வான ஐந்து போட்டியாளர்களிடம் விஜய் சேதுபதி பேசிக் கொண்டிருக்கிறார்.

bigg boss tamil television bigg boss tamil 8

அப்போது ஆரம்பத்தில் இந்த நிகழ்ச்சியில் அதிகமான போட்டியாளர்கள் இருந்தார்கள். ஆனால் இப்போது ஐந்து பேர் மட்டும் இந்த வீட்டிற்குள் இருக்கிறார்கள் இதில் உங்களுக்குள் இருக்கும் வித்தியாசம் என்ன என்பது பற்றி விஜய் சேதுபதி கேட்க ஒவ்வொரு போட்டியாளர்களும் தங்களுடைய மனநிலை பற்றி சொல்கிறார்கள்.

அப்போது சௌந்தர்யா ஆரம்பத்தில் இந்த வீட்டிலிருந்து ஒவ்வொருவராக வெளியே செல்லும்போது அப்பாடா என்று இருக்கும். ஆனால் இப்போது இந்த நிகழ்ச்சியில் நாங்கள் மட்டும் தனியாக இருப்பது கொஞ்சம் வருத்தமாக தான் இருக்கிறது. ஆனாலும் மகிழ்ச்சியாக தான் இருந்தேன் என்று கூறினார்.

அடுத்ததாக முத்துக்குமரன் பேசினார். அப்போது முத்துக்குமரன் எனக்கு பணப்பெட்டி டாஸ்க் கேள்விப்பட்ட போது அதிர்ச்சியாக இருந்தது. இதுவரைக்கும் 15 வது வாரத்தில் எந்த டாஸ்க்கும் நடைபெறாது. ஆனால் இப்போது வித்தியாசமாக பணப்பெட்டி பாஸ்க் வைக்கப்பட்டது. எனக்கு அது பயமாகவும் இருந்தது.

நாங்கள் பணப்பெட்டி டாஸ்க் என்றதும் எப்படி எல்லாமோ மனதில் சிந்தனை வைத்திருந்தோம். ஆனால் இப்போது வைத்த பணப்பெட்டி டாஸ்க் பார்த்து நான் பதறிப் போனேன். ஆனாலும் முதலில் நான் தான் போனேன். அப்போது உசுர கையில பிடிச்சுட்டு ஓடி வந்தேன் என்று சொல்லி இருக்கிறார்.

அதோடு இந்த வீட்டிற்குள் இருந்த பல போட்டியாளர்கள் எவிக்ஷனாகி வெளியே போகிவிட்டார்கள். அது எனக்கு நெஞ்செல்லாம் பாரமாக இருக்கு என்று சொல்ல, அதற்கு விஜய் சேதுபதி இப்போ கூட ஒன்னும் கெட்டுப் போகல உங்களுக்காக உங்களை வெளியே அனுப்பிவிட்டு உங்களுக்கு பிடித்த ஒரு போட்டியாளர்களை உள்ளே கொண்டு வந்து விடலாமா என்று கேட்க, இதை சற்றும் எதிர்பார்க்காத முத்துக்குமரன் அதிர்ச்சியாகி எனக்கு எல்லாரையும் பிடிக்கும் சார் என்று சொல்லி இருக்கிறார்.