SaReGaMaPa: சரிகமப சீனியர் சீசன் 5 கிராண்ட் பினாலே மேடையில் பவித்ரா பாடிய பாடல்! கலங்க வச்சிட்டாரே!

Published: Sunday, November 23, 2025, 21:14 [IST]

Subscribe to Oneindia Tamil

சென்னை: ஜீ தமிழ் தொலைக்காட்சியில் மக்கள் மத்தியில் அதிக கவனத்தை ஈர்த்து வரும் நிகழ்ச்சிகளில் ஒன்று தான் சரிகமப சீனியர் சீசன் 5. சிறியவர்கள் முதல் பெரியவர்கள் வரை எல்லா வயதுப் பிரிவிலும் ரசிகர்களைக் கொண்ட இந்த நிகழ்ச்சி, இன்று (டிசம்பர் 23) மாபெரும் இறுதிச் சுற்று (கிராண்ட் ஃபினாலே) கட்டத்தை எட்டியுள்ளது.

அனல் பறக்க ஆரம்பமான இந்த இறுதிச் சுற்றில், ஆறு போட்டியாளர்கள் வெற்றிக் கோப்பைக்காகப் போட்டியிடுகின்றனர். அரங்கம் முழுவதும் அன்பால் சேர்ந்த மக்களால் நிறைந்துள்ள காட்சி தற்போது இணையத்தில் வைரலாகி வருகிறது.

இசை பயணம்

இந்த ஆறு போட்டியாளர்களில் பெரும்பாலான ரசிகர்களின் ஆதரவைப் பெற்றவர் தான் பவித்ரா. பவித்ராவின் இசைப் பயணத்தின் பின்னால் உள்ள உருக்கமான கதை தான் அனைவரையும் உருக வைத்துள்ளது.

சில மாதங்களுக்கு முன்புதான் பவித்ராவின் கணவர் ஒரு விபத்தில் காலமாகிவிட்டார். தன்னுடைய மகளின் பிறந்த நாளுக்காக உடை எடுக்கப் போயிட்டுத் திரும்பி வரும்போது இந்த விபத்து நடந்துள்ளது. இந்தத் தகவலைக் கேட்டு உடைந்து போயிருந்த பவித்ராவிற்கு, அவரது திறமையை நிறைவேற்றிக் கொள்வதற்காகக் கிடைத்த வாய்ப்புத் தான் இந்தச் சரிகமப நிகழ்ச்சி.

தன்னுடைய தம்பி மற்றும் உறவினர்களின் ஆதரவால் சரிகமப நிகழ்ச்சிக்கான ஆடிஷனில் கலந்து கொண்டார். ஆடிஷனில் தேர்வு ஆகி வந்தவர், இந்த நிகழ்ச்சியில் ஒவ்வொரு வாரமும் தன்னுடைய இனிமையான குரலால் அனைவரையும் மயங்க வைத்துக் கொண்டிருக்கிறார்.

காதலால் உருகிய பாடல்

இந்த நிகழ்ச்சியின் மாபெரும் இறுதிச் சுற்றில் பவித்ரா பாடிய "காற்றில் எந்தன் கீதம்" என்ற பாடல் அங்கிருந்த அனைவரையும் உருக வைத்துவிட்டது. அவர் தன்னுடைய வாழ்க்கையில் ஏற்பட்ட இழப்பைத் தன்னுடைய குரலில் கொண்டு வந்து, பாடலின் வரிகளில் உள்ள வலியை மிகவும் உணர்ச்சிப்பூர்வமாகக் கொடுத்தார்.

இந்தப் பாடலைக் கேட்ட பலரும், இந்தப் பாடல் வரிகள் இவருக்காகவே எழுதப்பட்டிருக்கிறதா என்று உருகிப் பேசி வருகிறார்கள். கணவர் இல்லாத சோகத்தை சுமந்து கொண்டு தன் கலைத் திறனை நிரூபித்த பவித்ராவுக்கு இந்தச் சீசனின் டைட்டில் வெற்றியாளர் மகுடம் கிடைக்க வேண்டும் என்பதுதான் பலருடைய ஆசையாக இருக்கிறது.

சரிகமப சீனியர் சீசன் 5-ல் தன்னுடைய சாதனையால் பவித்ராவுக்குச் சினிமாவில் பாடுவதற்கும் வாய்ப்புகள் கிடைத்திருக்கிறது. இவரது இசைப் பயணம் பலருக்கும் ஒரு ஊக்கசக்தியாக இருக்கிறது.