War 2 collection: 4வது நாள் வசூலில் கூலியிடம் தோற்ற வார் 2! இத்தனை கோடி வித்தியாசம்! மாஸ் காட்டிய ரஜினி

சென்னை: நடிகர் ரஜினிகாந்த் நடித்த 'கூலி' மற்றும் ஹிருத்திக் ரோஷன், ஜூனியர் என்.டி.ஆர் நடித்த 'வார் 2' ஆகிய இரண்டு திரைப்படங்களும் கடந்த 14ஆம் தேதி ரிலீஸாகின. இரண்டு பெரிய ஸ்டார்களின் படங்கள் என்பதால் பாக்ஸ் ஆபிஸில் எந்தப் படம் வெற்றி பெறும் என்ற ஆவல் திரையுலகில் இருந்தது. நான்காவது நாள் வசூல் குறித்த தகவல்கள் தற்போது வெளியாகி ரசிகர்களிடையே ஒரு பெரிய விவாதத்தை ஏற்படுத்தியுள்ளது.

வார் 2வின் எதிர்பார்ப்பு

மிகுந்த எதிர்பார்ப்புக்கு மத்தியில் உருவான ரஜினியின் 'கூலி'க்கு போட்டியாக 'வார் 2' திரைப்படம் 14ஆம் தேதி வெளியானது. இதில் ஹிருத்திக் ரோஷன், ஜூனியர் என்.டி.ஆர், கியாரா அத்வானி உள்ளிட்டோர் நடித்திருந்தார்கள். ஜூனியர் என்.டி.ஆர் இப்படத்தில் இருந்ததால் ஆந்திரா மற்றும் தெலங்கானாவில் படத்துக்கு வியாபாரம் ஆகும் என்பது படக்குழுவின் எண்ணம். ஆனால் அந்த பான் இந்தியா ஏமாற்றிவிட்டது.

'வார் 2' படத்தைப் பார்த்தவர்கள் 'கூலி' இதற்கு எவ்வளவோ மேல் என்று சொல்ல ஆரம்பித்திருக்கிறார்கள். இதன் காரணமாக முதல் நாளில் 'கூலி' வசூலுக்கு டஃப் கொடுத்த வார் 2 அடுத்தடுத்த நாட்களில் இருக்கும் இடம் தெரியாமல் போக ஆரம்பித்திருக்கிறது.

ரஜினியின் ஆதிக்கம்

பாலிவுட்டிலேயேகூட 'வார் 2' பெரிய அடி வாங்கியிருக்கிறது. எனவே படத்துக்கு வரும் கூட்டம் குறைந்ததால் 'கூலி' படத்துக்கான சினிமா தியேட்டர்களின் எண்ணிக்கை அதிகரிக்கப்பட்டிருக்கிறது. முதலில் 3,500 தியேட்டர்களில் ரிலீஸான அப்படத்துக்கு இப்போது 4,500 தியேட்டர்கள்வரை ஒதுக்கப்பட்டிருக்கிறது. ரிலீஸாகி நான்காவது நாளான நேற்று 'வார் 2' ₹31 கோடியை மட்டும் வசூலித்து இந்தியாவில் மொத்தம் ₹173 கோடியும், 'கூலி' திரைப்படம் நேற்று ₹35 கோடியை வசூலித்து இந்திய அளவில் ₹193 கோடியும் வசூலித்திருப்பதாக Sacnilk வலைதளம் தெரிவித்திருக்கிறது.

Sacnilk வலைதள கணக்குப்படி பார்த்தால் கிட்டத்தட்ட ₹20 கோடி 'கூலி' முன்னிலையில் இருக்கிறது. இனிவரும் நாட்களிலும் 'வார் 2'வுக்கு கூட்டம் வராது. எனவே பாக்ஸ் ஆபிஸ் ரேஸிலிருந்து அந்தப் படம் வெளியேறும் சூழல் உருவாகிவிட்டது. அதனால் ரஜினிதான் வின்னர் என ரசிகர்கள் அறிவிக்க தொடங்கிவிட்டார்கள்.

வார் 2 - ட்விட்டர் விமர்சனம்

'வார் 2' திரைப்படம், ஜப்பானில் நடக்கும் ஹ்ருத்திக் ரோஷனின் ஆக்‌ஷன் காட்சியுடன் தொடங்குகிறது. அதன் பிறகு, இயக்குநர் நீண்ட நேரத்திற்கு 'டிராமா'வை நகர்த்தியுள்ளார். படம் தொடங்கி, சுமார் 40 நிமிடங்களுக்குப் பிறகு, ஜூனியர் என்.டி.ஆர்., வருகிறார். ரசிகர்களுக்கு ஒரு 'மாஸ்' விருந்தளிக்கும் வகையில் என்.டி.ஆரின் 'என்ட்ரி' காட்சி அமைந்துள்ளது.

நடிப்பு

எதிர்பார்த்தபடி, இந்த படத்தில் ஆக்‌ஷன் காட்சிகளுக்கு ரசிகர்களிடமிருந்து நல்ல வரவேற்பு கிடைத்துள்ளது. என்.டி.ஆர்., ஹ்ருத்திக் இருவரும் போட்டி போட்டு நடித்த காட்சிகள் இந்த படத்தின் சிறப்பம்சம். சில காட்சிகள் மிகுந்த பரபரப்பை ஏற்படுத்துகின்றன. பின்னணி இசையும் ரசிகர்களைக் கவர்ந்துள்ளது. முதல் பாதியில் ஹ்ருத்திக்கின் ஜப்பான் ஆக்‌ஷன் காட்சியையும் என்.டி.ஆரின் 'என்ட்ரி' காட்சியையும் இயக்குநர் சிறப்பாகக் கையாண்டுள்ளார்.

குறைகளும், ஏமாற்றங்களும்

'வார் 2' ஒரு ஸ்பை ஆக்‌ஷன் த்ரில்லர் படம் என்றாலும், முதல் பாதியில் வழக்கமான காட்சிகள் நிறையவே உள்ளன. கதையிலும் புதுமை இல்லை. சில ஆக்‌ஷன் காட்சிகள் கிராபிக்ஸ் அதிகமாகத் தெரிகின்றன. 400 கோடி பட்ஜெட் படத்திற்கு இருக்க வேண்டிய அளவில் கிராபிக்ஸ் இல்லை என்று ரசிகர்கள் கருத்து தெரிவித்துள்ளனர்.

English summary

War 2 collection: On August 14, two big films clashed at the box office — Rajinikanth’s Coolie and Hrithik Roshan–Jr NTR starrer War 2. While both opened strong, Coolie has taken the lead by Day 4. According to Sacnilk reports, War 2 collected only ₹31 Cr on Day 4, bringing its India total to ₹173 Cr. Meanwhile, Coolie grossed ₹35 Cr on the same day, raising its India total to ₹193 Cr — nearly ₹20 Cr ahead. With poor word of mouth, War 2 is losing screens and audience support, while Coolie has expanded from 3,500 to 4,500 screens across India. Fans declare Rajinikanth the clear winner of this box office clash.