திரைக்கதை எழுதுபவருக்கு தேவையான தகுதிகள் என்ன? அவற்றை வளர்ப்பது எப்படி?
திரைக்கதை எழுதுவது - ஒரு தனித்துவமான கலை
திரைக்கதை எழுதுவது வெறும் எழுத்து செயல் மட்டுமல்ல; அது கதை சொல்லும் ஒரு கலையாகும். சிறந்த திரைக்கதை எழுத்தாளராக மாற, சில முக்கியமான திறன்களை வளர்த்துக் கொள்ள வேண்டும்.
முதலில், கதை சொல்லும் திறன் மிக அவசியம். ஒரு படைப்பு மக்களின் மனதில் நீடிக்க, அது வலுவான கதைக்களம் கொண்டிருக்க வேண்டும். திரைக்கதை அமைப்பு, கதாபாத்திர வளர்ச்சி, உரையாடல் ஆகியவையும் முக்கியமான அம்சங்கள். மேலும், மக்களின் உணர்வுகளைப் புரிந்து கொள்ளும் திறன் இருந்தால், அவர்கள் தொடர்பு கொள்ளும் கதைகளை உருவாக்கலாம்.
அனைத்திற்கும் மேலாக, சினிமா மீது ஆழமான காதலும் ஆர்வமும் இருக்க வேண்டும். சிறந்த திரைக்கதைகளைப் படித்து அலசுதல், தொடர்ந்து எழுதிக் கொண்டே இருப்பது போன்ற பயிற்சிகள், ஒரு எழுத்தாளரை சிறப்பாக உருவாக்கும். ஒவ்வொரு அனுபவமும் ஒரு பாடம்; அதனால், எழுத்தின் மீது தன்னம்பிக்கை கொண்டு பயணிக்க வேண்டும்.
கதை சொல்லும் திறன் (Storytelling Skills) திரைக்கதையின் அடிப்படை ஒரு வலுவான கதை. கதை சொல்லும் திறன் என்பது முக்கியமானது.
எப்படி வளர்த்துக் கொள்ளலாம்?
புத்தகங்கள் வாசிக்க வேண்டும், குறிப்பாக சிறந்த நாவல்கள் மற்றும் திரைக்கதைகள். சிறந்த திரைப்படங்களை அலசி பார்க்க வேண்டும். அவை எப்படி எழுதப்பட்டிருக்கின்றன என்பதை ஆராய வேண்டும்.
சிறுகதைகள் எழுதிப் பழக வேண்டும். திரைக்கதை வடிவமைப்பு (Screenplay Structure) திரைக்கதை, இலக்கியப் படைப்பாக இருந்தாலும், அதன் வடிவமைப்பு (Format) மிக முக்கியம். ஒரு கதையை சினிமாவிற்கேற்ப வடிவமைக்க, சரியான கட்டமைப்பையும், கதையின் ஆர்க் (Story Arc) ஒழுங்காக அமைத்துத் தயாரிக்க வேண்டும்.
Hollywood & Kollywood திரைக்கதை வடிவங்களைப் புரிந்து கொள்ள வேண்டும். 3-அங்கக் கட்டமைப்பு (Three-act structure), ஹீரோன் ஜர்னி (Hero's Journey), (Freytag's Pyramid)) போன்ற முக்கியக் கொள்கைகளைப் பயில வேண்டும்.
முன்னணி திரைக்கதை ஆசிரியர்களின் படைப்புகளைப் படித்து, அவற்றின் கதைக் கட்டமைப்பு, திருப்புமுனைகள், நெடுகையும் முடிவும் ஆகியவற்றை அலச வேண்டும்.
உடன்பிறப்புச் சிந்தனை (Parallel Storytelling), நெறியியல் (Non-Linear Narration) போன்ற தொழில்நுட்பங்களை ஆய்வு செய்ய வேண்டும்.
தொடர்ச்சியான பயிற்சி மற்றும் அலசலுடன், சிறந்த திரைக்கதை வடிவமைப்பை வளர்த்துக் கொள்ளலாம்.
உரையாடல் (Dialogue Writing)
உரையாடல் ஒரு திரைக்கதையின் உயிராகும். இயல்பான, உயிருள்ள உரையாடல்கள் கதாபாத்திரங்களை நம் கண்முன்னே உயிர்ப்பிக்கின்றன. இதை வளர்த்துக்கொள்ள சில முக்கியமான முறைகள் உள்ளன. முதலில், இயற்கையான உரையாடல்களை கவனித்துக் கேட்க வேண்டும். சுற்றியுள்ள மக்களின் பேச்சு விதம், உச்சரிப்பு, இடைவேளைகள் ஆகியவை உணர்வுகளை எப்படி வெளிப்படுத்துகின்றன என்பதை கவனிக்க வேண்டும்.
இரண்டாவது, நாடகங்கள், திரைப்பட உரையாடல்கள், வலைத்தள தொடர்களின் (Web Series) வசனங்களை வாசித்து அவற்றின் கட்டமைப்பு, புனைந்தழகு ஆகியவற்றைப் புரிந்துகொள்ளலாம். சிறந்த எழுத்தாளர்களின் நுட்பங்களை கற்றுக்கொள்ளலாம்.
மூன்றாவது, எழுதிய உரையாடல்களை வார்த்தையாகச் சொல்லிப் பார்ப்பது, அவை நிஜ வாழ்க்கையில் எப்படி ஒலிக்கின்றன என்பதைப் பரிசோதிக்க உதவும். எழுத்தில் இருக்கக்கூடிய செயற்கைத்தன்மை வெளிப்படும்போது, அதனைத் திருத்திக் கொள்ளலாம்.
இதன் மூலம் உரையாடல்களை உணர்வுபூர்வமாகவும் நம்பகத்தன்மையுடன் எழுத முடியும்.
கதாபாத்திர மேம்பாடு (Character Development)
மனிதர்கள் உணர்வுகள் கொண்டவர்கள்; கதாபாத்திரங்களும் அவ்வாறாகவே இருக்க வேண்டும். மனிதர்களைப் பொறுத்து சிக்கலான உளவியல் அம்சங்களைப் புரிந்துகொள்ள வேண்டும்.
ஒவ்வொரு கதாபாத்திரத்திற்கும் தனித்துவமான குணாதிசயங்களை உருவாக்க வேண்டும்.
அடையாளம் மாறுதல் (Character Arc) குறித்து கவனமாக எழுத வேண்டும்.
மக்களை உணர்த்தும் திரைப்படங்கள் தான், காலத்திற்கும் அப்பாற்பட்டு நீடிக்கும். மக்கள் எந்த உணர்வுகளை எதிர்பார்க்கிறார்கள், எந்த விஷயங்கள் அவர்களைக் கொள்ளை கொண்டிருக்கிறது என்பதைக் கவனிக்க வேண்டும்.
திரையரங்க அம்சங்கள் (Visual Storytelling)
திரைக்கதை சினிமாவுக்கானது என்பதால், காட்சிகளை எழுத்தில் உருவாக்கும் திறன் அவசியம். 'Show, Don't Tell' விதியைப் பின்பற்ற வேண்டும். திரைமுனையில் எதைக் காண்பிக்கலாம், எதைக் காண்பிக்க முடியாது என்பதைக் கருத்தில் கொள்ள வேண்டும்.
ஒரு எழுத்தாளராக, மாற்றங்களை ஏற்றுக்கொள்வதும், கருத்துக்களை விரிவாக பகுப்பாய்வு செய்வதும் அவசியம். இது பொறுமையையும் சகிப்புத்தன்மையையும் வளர்க்கும்.
இயக்குநர், தயாரிப்பாளர், நடிகர்கள் உள்ளிட்ட பலரின் பார்வைகளை ஒருங்கிணைத்து, கதையை சிறப்பாக்கவே திருத்தங்கள் நிகழ்கின்றன.
மாற்றங்கள் நேரிடும்போது மன அழுத்தமின்றி தழுவிக் கொள்வது, படைப்பாற்றலை வளர்க்கும். ஒவ்வொரு திருத்தமும் திரைக்கதையை இன்னும் நுட்பமாகவும் உறுதியாகவும் உருவாக்க உதவும்.
- குரு கிருஷ்ணன்
Click it and Unblock the Notifications
Sign in with Google