புகாரை வாபஸ் வாங்காட்டி நீ உயிரோட இருக்க மாட்டே.. பிரபல நடிகைக்கு நடிகர் விஜய் பாபு மிரட்டல்

Published: Wednesday, May 11, 2022, 14:14 [IST]

Subscribe to Oneindia Tamil

திருவனந்தபுரம்: தன் மீதான பாலியல் புகாரை வாபஸ் வாங்குமாறு நடிகைக்கு விஜய் பாபு மிரட்டல் விடுத்ததாக தகவல்கள் வெளியாகியுள்ளன.

மலையாள சினிமாவில் பிரபல நடிகராகவும் தயாரிப்பாளராகவும் இருப்பவர் விஜய் பாபு, இவர் தன்னிடம் சினிமா வாய்ப்பு கேட்டு வரும் இளம்பெண்களை பாலியல் வன்கொடுமை செய்ததாக புகார்கள் எழுந்தன.

இந்த நிலையில் விஜய் பாபுவின் தயாரிப்பில் வெளியான படம் ஒன்றில் நடித்த நடிகையை தனது வீட்டிற்கு வரவழைத்த விஜய் பாபு, மயக்க மருந்து கொடுத்து தன்னை பாலியல் வன்கொடுமை செய்ததாக புகார் எழுந்தது.

பாலியல் வன்கொடுமை

தன்னை மீண்டும் மீண்டும் மிரட்டி பாலியல் வன்கொடுமை செய்ய முயற்சிப்பதாகவும் அந்த நடிகை புகார் அளித்திருந்தார். மேலும் ஒரு லைவ் நிகழ்ச்சியில் விஜய் பாபு, புகார் கொடுத்த நடிகையின் பெயரை குறிப்பிட்டிருந்தார். இது சட்டவிரோதமானது. பாலியல் வன்கொடுமைகளில் சிக்கும் பெண்கள், சிறுமிகளின் அடையாளங்களை வெளியிட கூடாது என்பது சட்டம்.

விஜய் பாபு

ஆனால் விஜய் பாபு அதையும் மீறி அந்த நடிகையின் பெயரை வெளியிட்டுவிட்டார். மேலும் விஜய் பாபு மீது மற்றொரு நடிகையும் பாலியல் புகார் அளித்துள்ளார். அதில் அந்த நடிகையிடம் பார்த்த மாத்திரத்திலேயே ஒரே ஒரு முத்தம் கொடுக்குமாறு கெஞ்சினாராம். இவர் இப்படியோ சமாளித்து பின்னோக்கி நகர்ந்துவிட்டதாகவும் அந்த நடிகை புகார் அளித்துள்ளார்.

விஜய் பாபு எங்கே

இந்த நிலையில் விஜய் பாபு எங்கிருக்கிறார் என தெரியவில்லை. அவர் வெளிநாட்டிற்கு சென்றிருக்கலாம் என்பதால் ரெட் கார்னர் நோட்டீஸ் விநியோகிக்கவும் காவல் துறை முடிவு செய்துள்ளது. விஜய் பாபு தன்னிடம் வரும் இளம்பெண்களை மூளைச் சலவை செய்து அவர்களை தொழிலதிபர்களுடன் உல்லாசமாக இருக்க அனுப்பிவிட்டு பின்னர் அந்த வீடியோவை காட்டி மிரட்டுவாராம்.

மிரட்டல்

தனது படத்திற்கு பணத்தை கொடுக்குமாறு தொழிலதிபர்களிடம் மிரட்டி ஏராளமான கருப்புப் பணத்தை சினிமா தயாரிக்க பயன்படுத்தியுள்ளதாக தகவல்கள் வெளியாகியுள்ளன. இந்த நிலையில் தலைமறைவாக உள்ள விஜய் பாபுவை கைது செய்ய கேரள போலீஸார் தீவிரம் காட்டி வருகிறார்கள். இந்த நிலையில் தன் மீதான புகாரை வாபஸ் வாங்குமாறு நடிகைக்கு சினிமா பிரபலங்கள், தொழிலதிபர்கள் மூலம் விஜய் பாபு மறைமுகமாக மிரட்டல் விடுத்து வருவதாகவும் தகவல்கள் வெளியாகியுள்ளன.

Published On May 11, 2022