அடுத்த 3 மணி நேரம்.. நாகை முதல் ராமநாதபுரம் வரை.. 6 மாவட்டங்களில் மழைக்கு வாய்ப்பு

சென்னை: தமிழகத்தில் இன்று ஓரிரு இடங்களில் மழை பெய்ய வாய்ப்பு உள்ளது என்றும், சென்னையில் லேசானது முதல் மிதமான மழை பெய்யக்கூடும் என்றும் சென்னை வானிலை ஆய்வு மையம் கூறியிருந்தது. இந்த நிலையில் அடுத்த 3 மணி நேரத்தில் தமிழகத்தில் நாகை, திருவாரூர், தஞ்சை, ராமநாதபுரம் உள்ளிட்ட 6 மாவட்டங்களில் மழைக்கு வாய்ப்பு உள்ளதாக சென்னை வானிலை மையம் கூறியுள்ளது.

தமிழகத்தில் வடகிழக்கு பருவமழை பெய்து வருகிறது. நேற்று தமிழகத்தில் ஓரிரு இடங்களில் மழை பெய்தது. டெல்டா, கடலோர மாவட்டங்களில் ஒருசில இடங்களில் மழை பெய்தது. குறிப்பாக நாகப்பட்டினத்தில் நேற்று அதிகபட்சமாக 8 செமீ மழை பதிவாகியுள்ளது. செங்கல்பட்டு மாவட்டம் மகாபலிபுரத்தில் 4 செமீ மழையும், புதுச்சேரியில் 3.2 செமீ மழையும் பதிவானது. இந்த நிலையில் இன்றும் தமிழகத்தில் ஒருசில இடங்களில் மழை பெய்ய வாய்ப்பு உள்ளது என்று சென்னை வானிலை ஆய்வு மையம் கூறியிருந்தது.

குறிப்பாக வரும் 4 ஆம் தேதி வரை தமிழகத்தில் ஒரு சில இடங்களில் மழைக்கு வாய்ப்பு உள்ளதாகவும், சென்னையில் இரண்டு நாட்களுக்கு லேசான மழைக்கு வாய்ப்பு உள்ளதாகவும் சென்னை வானிலை மையம் தெரிவித்து இருந்தது. இந்த நிலையில் தமிழகத்தில் அடுத்த 3 மணி நேரத்தில் நாகை, தஞ்சை உள்பட 6 மாவட்டங்களில் மழைக்கு வாய்ப்பு உள்ளதாக சென்னை வானிலை மையம் தெரிவித்துள்ளது.

இது தொடர்பாக வானிலை அறிவிப்பில் கூறப்பட்டிருப்பதாவது:- "தமிழகத்தில் அடுத்த 3 மணி நேரத்தில் அதாவது இன்று காலை 10 மணி வரை நாகை, மயிலாடுதுறை, தஞ்சை, திருவாரூர், ராமநாதபுரம் மற்றும் புதுக்கோட்டை ஆகிய 6 மாவட்டங்களில் இன்று மிதமான மழைக்கு வாய்ப்பு உள்ளது. இதேபோன்று புதுவை மற்றும் காரைக்காலிலும் மழைக்கு வாய்ப்பு உள்ளது" இவ்வாறு அதில் கூறப்பட்டுள்ளது.

English summary

The Chennai Meteorological Department had said that there is a possibility of rain in one or two places in Tamil Nadu today, and that light to moderate rain is likely in Chennai. In this situation, the Chennai Meteorological Department has said that there is a possibility of rain in 6 districts of Tamil Nadu, including Nagapattinam, Thiruvarur, Thanjavur, and Ramanathapuram, in the next 3 hours.