சட்டீஸ்கரில் கடும் துப்பாக்கிச் சண்டை... 12 மாவோயிஸ்டுகள் சுட்டுக் கொலை

சட்டீஸ்கர் மாநிலத்தில் மாவோயிஸ்ட்டுகளுடன் நடந்த கடும் துப்பாக்கிச் சண்டையில் 12 மாவோயிஸ்டுகளை பாதுகாப்புப் படையினர் சுட்டுக் கொன்றனர்.

ராய்பூர்: மாவோயிஸ்டுகளுடன் பாதுகாப்புப் படைவீரர்கள் நடத்திய துப்பாக்கிச் சண்டையில் 12 பேர் சுட்டுக் கொல்லப்பட்ட சம்பவம் சட்டீஸ்கர் மாநிலத்தில் பதற்றத்தை ஏற்படுத்தியுள்ளது.

மேலும் அந்தச் சண்டையில் பாதுகாப்புப் படையைச் சேர்ந்த 3 வீரர்களும் உயிரிழந்தனர். தண்டேவாடா மாவட்டம் தோடி தம்னர் என்ற இடத்தில் மாவோயிஸ்ட் முகாம் இருப்பது தொடர்பான தகவலை அறிந்த பாதுகாப்புப் படையினர் அப்பகுதியில் அதிரடி சோதனை மேற்கொண்டனர்.

அப்போது நடைபெற்ற துப்பாக்கிச் சண்டையில் 12 மாவோயிஸ்டுகள் சுட்டுக்கொல்லப்பட்டதாகவும் 8 முதல் 10 மாவோயிஸ்டுகள் காயமடைந்ததாகவும் பாதுகாப்புப் படையினர் தெரிவித்துள்ளனர்.

இந்த சண்டையில் பாதுகாப்புப் படையைச் சேர்ந்த 3 வீரர்கள் உயிரிழந்ததாகவும் 5 பேர் காயம் அடைந்ததாகவும் அவர்கள் கூறியுள்ளனர். இந்த சண்டையில் மாவோயிஸ்டுகளிடம் இருந்து 5 கையெறிகுண்டுகள் மற்றும் ஆயுதங்கள் கைப்பற்றப்பட்டுள்ளன.

English summary

Fierce battle between CRPF and Maoists in Chhattisgarh, so far 12 Maoists shot dead.