232 தொகுதிகளில் 2ல் மட்டுமே 2வது இடமே கிடைத்தது.. இது ம.ந.கூ சோகம்

சென்னை: போட்டியிட்ட எந்த ஒரு தொகுதியிலும் வெற்றி பெற முடியாததோடு, இரண்டே, இரண்டு தொகுதிகளில்தான் 2வது இடத்தையாவது பிடித்துள்ளது, மக்கள் நல கூட்டணி.

மக்கள் நல கூட்டணி, விஜயகாந்த்தின் தேமுதிக, வாசனின் தமிழ் மாநில காங்கிரஸ் ஆகியவை இணைந்து அமைத்த கூட்டணி அனைத்து தொகுதிகளிலும் களம் கண்டது. ஆனால் எந்த தொகுதியிலும் அக்கட்சி வெற்றி பெறவில்லை.

தளி தொகுதியில் இந்திய கம்யூனிஸ்ட் கட்சியின் ராமச்சந்திரன் 2வது இடம் பிடித்துள்ளார். காட்டுமன்னார் கோயில் தொகுதியில் விடுதலை சிறுத்தைகள் கட்சியின் தொல்.திருமாவளவன் 2வது இடத்தை பிடித்துள்ளார். 87 வாக்குகள் வித்தியாசத்தில் அவர் வெற்றி வாய்ப்பை தவறவிட்டார்.

இவர்களை தவிர விஜயகாந்த் உள்ளிட்ட எந்த ஒரு மக்கள் நல கூட்டணி மற்றும் அதன் கூட்டணி வேட்பாளர்களும் 2வது இடத்தை கூட பிடிக்க முடியவில்லை. இந்த வகையில் பாஜகவைவிட மோசமான நிலைக்கு இந்த கூட்டணி சென்றுள்ளது குறிப்பிடத்தக்கது.

English summary

MNK alliance came 2nd place in just 2 constituencies and lost badly.