For Quick Alerts
ALLOW NOTIFICATIONS  
For Daily Alerts
Just In
Oneindia App Download

அலிப்பூர் பூங்காவில் 8 அரிய வகை குரங்குகள் 'அபேஸ்'

By Staff
Google Oneindia Tamil News

கொல்கத்தா: அலிப்பூர் உயிரியியல் பூங்காவில் இருந்த 8 அரிய பிரேசிலிய குரங்குகள் திருடு போய்விட்டதாக மத்திய உயிரியியல் பூங்கா ஆணையத்தின் உறுப்பினர் செயலாளர் தெரிவித்துள்ளார்.

காலிதிரிக்ஸ் ஜாக்கஸ் என்ற உயிரியியல் பெயர் கொண்ட அரிய வகை குரங்குகள் பிரேசிலி்ன் வடகிழக்கு பகுதியில் காணப்படுகின்றன. இவற்றில் சில கொல்கத்தாவில் உள்ள அலிப்பூர் உயிரியியல் பூங்காவில் இடம் பெற்றுள்ளன.

இந்நிலையில் சாம்பல் நிறத்துடன் சுமார் 14 முதல் 18 செமீ உயரம் கொண்ட சிறிய வகை குரங்குகளில் 8 திருடு போய்விட்டதாக மத்திய உயிரியியல் பூங்கா ஆணையத்தின் உறுப்பினர் செயலாளர் பிஆர் சர்மா குற்றம்சாட்டியுள்ளார்.

அவர் கூறுகையில், பூங்காவில் இருந்த இந்த பிரேசிலிய குரங்குகள் திருடு போனது அதிர்ச்சி அளிக்கிறது. இந்தியாவில் உள்ள பூங்காவில் குரங்கு திருடு போனது இது தான் முதல் முறை. முன்னதாக சில இடங்களில் பாம்புகள் காணாமல் போயிருக்கின்றன.

பூங்காவில் இருப்பவர்களி்ன் உதவியில்லாமல் இந்த திருட்டு நடந்திருக்க முடியாது. தலா 3 ஆண், பெண் மற்றும் 2 குட்டி குரங்குகளை காணவில்லை. பூங்கா அதிகாரிகளிடம் இது குறித்து விளக்கம் கேட்டு கடிதம் அனுப்பியுள்ளோம் என்றார் அவர்.

குரங்கைத் திருடிய 'குரங்கு குப்பனை' பிடிக்க விசாரணை முடுக்கி விடப்பட்டுள்ளதாம்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X