ஏவாள்- பத்மப்ரியா
அகிலாண்டேஸ்வரி ஆதிபராசக்தி - என
தெய்வமாய் பெண் வேண்டும்
தெய்வத்தின் மறு உருவென
ஆருயிர் தந்து அமுதூட்ட
அம்மா வேண்டும்
வாரிசுக்காக
மனைவியெனும் தேவதையும் தேவை
மைத்துனிகள் இரண்டோ மூன்றோ
இருந்தால் இதயத்திற்கு விருப்பம்தான்
கண்ணுக்கு குளிர்ச்சியாக காதலியும்
கடைத்தெருவில் கலர் பார்க்க
கன்னியரும் கட்டாயம் வேண்டும்
அலுவலகத்தில் ஆரணங்குகள் இருந்தால்
அவ்வப்போது பார்த்துக் கொள்ளலாம்
அநுக்கியாக நல்லதொரு இளம்பெண்
அமைந்தால் நாள்தோறும் பழகலாம்
ஆசிரியை, பெண் மருத்துவர்,
பெண் தாதியர்
மனதிற்கு இதம்
திறந்தவாய் மூடாமல் பார்க்க
திரையில் கதாநாயகியர்
மூவராவது வேண்டும்
ஷேவிங் க்ரீம் முதல்
சேவிங்ஸ் பேங்க் வர
விளம்பரத்தில் பெண் வேண்டும்
மகனுக்கு அடக்கமாய்
மருமகளாய் நல்ல பெண்
அமைய வேண்டும்
ஆனால் உனக்கு
மகளாக மட்டும் பெண்
வேண்டவே வேண்டாம்
கருவிலேயே களைந்தெறிவாய்
- பத்மப்ரியா([email protected])
இவரது முந்தைய படைப்பு:
1. என் விருந்தாளி
2. கடிதம்
3. முரண்பாடுகள்
4. கணக்கீடுகள்
5. கட்டளை
படைப்புகளை அனுப்ப:
கவிதை, கட்டுரை, சிறுகதை என படைப்பிலக்கியத்தின் எந்தக் கூறுகளிலும் உங்களதுஆக்கங்களை அனுப்பலாம். அனுப்ப வேண்டிய மின்னஞ்சல் முகவரி: [email protected]
படைப்புகளை அனுப்பும்போது, நீங்கள் எந்த எழுத்துருவை பயன்படுத்தியுள்ளீர்கள் என்பதை அறியத் தரவும்.