குருப்பெயர்ச்சி: சிம்ம ராசிக்கு அஷ்டமசனியிலும் அதிர்ஷ்டம்.. யோகத்தை அள்ளிக் கொடுக்கும் குரு பகவான்
Guru Peyarchi 2026: குருப்பெயர்ச்சி இந்த ஆண்டு ஜூன் மாதம் நடைபெற உள்ளது. குரு பகவானின் இந்த இடமாற்றம் 12 ராசிகளுக்கும் பல்வேறு மாற்றங்களை ஏற்படுத்தும் நிலையில், சிம்ம ராசியினருக்கு இது எந்த அளவில் அதிர்ஷ்டத்தையும், சவால்களையும் தரப் போகிறது என்பது குறித்து பெரிய எதிர்பார்ப்பு உருவாகியுள்ளது.
ஒவ்வொரு கிரகங்களும் ஒரு குறிப்பிட்ட கால இடைவெளியில் ஒரு ராசியில் இருந்து இன்னொரு ராசிக்கு பெயர்ச்சியாவது வழக்கம். இந்த கிரக மாற்றங்களானது 12 ராசிகளிலும் அதன் தாக்கத்தை ஏற்படுத்தும். சனி, குரு, ராகு கேது ஆகிய கிரகங்களே ஒருவரின் வாழ்க்கையில் நீண்டகால தாக்கத்தை ஏற்படுத்தும். ஒரு வருடத்திற்கு ஒருமுறை குருப்பெயர்ச்சியும், இரண்டரை வருடத்திற்கு ஒருமுறை சனிப்பெயர்ச்சி, ஒன்றரை வருடத்திற்கு ஒருமுறை ராகு கேது பெயர்ச்சியும் நடைபெறுகிறது.
குரு பகவானுக்கு இயற்கை சுபர் என்று பெயர். ஒருவரின் வாழ்க்கையில் நல்ல விஷயங்கள் நடக்க குரு பகவானே காரணமாக இருப்பார். குருப்பெயர்ச்சி என்பது ஜோதிடத்தில் மிக முக்கியமான கிரகப் பெயர்ச்சிகளில் ஒன்றாகும். குரு (வியாழன்) ஒரு ராசியிலிருந்து மற்றொரு ராசிக்கு பெயர்வதால், 12 ராசிகளுக்கும் பல்வேறு நல்ல மற்றும் சவாலான பலன்களை ஏற்படுத்தும். கல்வி, வேலை, திருமணம், பணவரவு போன்ற முக்கிய வாழ்க்கை அம்சங்களில் குருவின் இடமாற்றம் பெரிய தாக்கத்தை உண்டாக்கும்.
அந்த வகையில், இந்த ஆண்டு ஜூன் மாதம் நடைபெறும் குருப்பெயர்ச்சியானது சிம்ம ராசியினருக்கு என்ன பலன்களை கொடுக்கும், கவனமாக இருக்க வேண்டிய விஷயங்கள், வழிபட வேண்டிய தெய்வங்கள் குறித்து இந்தப் பதிவில் பார்க்கலாம்.
சிம்மம் (Simmam Rasi Palan)
சிம்மம் ராசியினருக்கு இந்த குருப்பெயர்ச்சி நல்ல மாற்றங்களைத் தரக்கூடியதாக அமையும். 6 ஆம் இடத்துக்கு அதிபதியான சனி பகவான் 8 ஆம் இடத்தில் அமர்ந்திருப்பதால் நிறைய பிரச்சனைகள், சவால்களை சந்தித்து வந்திருப்பீர்கள். ஜூன் மாதம் நடைபெறவுள்ள குருப்பெயர்ச்சியானது உங்களுக்கு பல நன்மைகளைத் தரும். அஷ்டம சனியின் பாதிப்புகள் பரிபூரணமாக நீங்கும்.
குரு உச்சம்
வாழ்க்கையில் ஏற்பட்ட மிகப்பெரிய அவமானங்கள் எல்லாம் பரிபூரணமாக நீங்கும். இதுவரை பட்டு வந்த கஷ்டங்கள், அவமானங்கள் எல்லாம் விலகும். பூர்வ புண்ணியாதிபதி உச்சமடைகிறார். கடந்த காலங்களில் செய்த புண்ணியங்களுக்கான பலன்களை இந்த காலகட்டத்தில் அடைவீர்கள். வேலையில் இருந்து வந்த பிரச்சனைகள் நிவர்த்தியாகும். வெளிநாட்டில் பிரச்சனைகளை சந்தித்தவர்கள் வேறொரு நாட்டில் வாழக்கூடிய யோகம் ஏற்படும்.
சொந்த வீடு
ஆரோக்கியத்தில் ஏற்பட்டு வந்த உடல்நலக் கோளாறுகள் பரிபூரணமாக நீங்கும். மருத்துவர்களால் கைவிடப்பட்டவர்களுக்கு கூட ஏற்றம் ஏற்படும். குரு பகவான் அஷ்டம ஸ்தானத்தைப் பார்ப்பதால் நன்மைகள் ஏற்படும். 4 ஆம் ஸ்தானத்தை குரு பகவான் பார்ப்பதால் வீடு, மனை, வாகனம் வாங்குவதற்கான யோகம் உண்டாகும். சொந்த வீடுகளை உங்கள் மனதிற்குப் பிடித்தது போல வாங்கி மகிழ்வீர்கள்.
யோக பலன்கள்
தாயாரின் உடல்நிலையில் இருந்து வந்த பிரச்சனைகள் நீங்கும். தாயார் தொடர்பான மனக்கவலைகள், கலக்கங்கள் நீங்கும். புதிய வாகனம் வாங்கக்கூடிய யோகம் உண்டாகும். குரு பகவான் ரோக ஸ்தானத்தைப் பார்ப்பதால் எதிரிகள், நோய்கள் பரிபூரணமா விலகும். நினைத்த வேலை கிடைக்கும். குடும்பத்தில் முன்னேற்றம் உண்டாகும். வெளிநாடு செல்லும் யோகம், பணத்தை சேமித்து வைக்கக்கூடிய தன்மை ஏற்படும்.
வழிபாடு
நினைத்த காரியங்களைச் செய்து முடிப்பீர்கள். திட்டமிட்ட விஷயங்களில் ஏற்றம் உண்டாகும். எடுத்த காரியங்களில் ஜெயம் ஏற்படும். தொட்டது துலங்கக்கூடிய காலகட்டமாக இருக்கும். முதலீடுகளைச் செய்து மகிழ்வீர்கள். தொழிலில் மேன்மை ஏற்படும். ஸ்ரீரங்கம் பெருமாள் வழிபாடு உங்களுக்கு மிகப்பெரிய வெற்றியை ஏற்படுத்திக் கொடுக்கும்.
Click it and Unblock the Notifications
Sign in with Google