Viruchigam: விருச்சிக ராசிக்கு மார்ச் மாதத்தில் அடிக்கும் ஜாக்பாட்.. யோகம் கொட்டப் போகுது

மார்ச் மாத பலன்கள்: பிப்ரவரி மாதம் நிறைவடைந்து மார்ச் மாதம் பிறந்துள்ளது. மார்ச் மாதத்தில் சந்திரகிரகணம் நேற்று நிறைவடைந்துள்ளது. மார்ச் 6 ஆம் தேதி சனிப்பெயர்ச்சி நடைபெறவுள்ளது. முக்கிய கிரகங்களின் மாற்றம் நடைபெறும் நிலையில், இந்த மார்ச் மாதத்தில் விருச்சிகம் ராசியினருக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள் குறித்து இந்த ஜோதிட கட்டுரையில் பார்க்கலாம்.

மார்ச் மாதம் ஆரம்பிக்கும்போதே சுக்கிரன் தனது உச்ச வீடான சிம்மத்தில் அமரப்போகிறார். உலகில் உள்ள அனைத்து மக்களுக்கும் சுகங்களையும், செளபாக்கியங்களையும் தரக்கூடிய மாதமாக இருக்கும். 13 ஆம் தேதிக்குப் பிறகு குரு பகவான் வக்கிர நிவர்த்தி அடையவுள்ளார். 22 ஆம் தேதி செவ்வாயும் அமருகிறார். 14 ஆம் தேதி சூரியன் சனியோடு இணைந்து மீனத்தை நோக்கி பயணிக்கப் போகிறார். 30 ஆண்டுகளுக்குப் பிறகு சூரியன், சனி, செவ்வாய் இணைவுகள் நிகழப் போகிறது.

5 ஆம் வீட்டில் கேது, 11 ஆம் வீட்டில் ராகு இருக்கிறார். இந்த கிரக நிலைகளின் அடிப்படையில் இந்த மாதம் பிறக்கிறது. சந்திரன் தன்னுடைய பயணத்தை தனது சொந்த வீடான கடகத்தில் இருந்து ஆரம்பிக்கிறார். அந்த வகையில், இந்த மார்ச் மாதத்தில் விருச்சிகம் ராசியினருக்கு கிடைக்கும் பலன்கள் குறித்துப் பார்க்கலாம்.

விருச்சிகம்

விருச்சிகம் ராசியினருக்கு மார்ச் மாதம் அற்புதமான மாதமாக இருக்கும். சுக்கிரன் உச்சம் பெற்று 5 ஆம் இடமான யோகத்தில் அமர்ந்திருக்கிறார். 7க்கு உடைய சுக்கிர பகவான் 5 ஆம் இடத்தில் உச்சம் பெறுவதால் கோபுர கலச யோகத்தைப் பெறுவீர்கள். மிக அற்புதமான பலன்கள் கிடைக்கும். சனி பகவான் 5 ஆம் இடமான யோக ஸ்தானத்துக்கு வருகிறார்.

தொழில்

சுக்கிரனோடு சனி சேரும்போது அமோகமான யோகங்கள் கிடைக்கும். இசை, பாடல், நடனத் துறையில் இருப்பவர்கள், திருமணம் தொடர்பான துறைகளில் இருப்பவர்கள், டெக்கரேஷன், பேன்சி ஸ்டோர், சினிமா துறை, கேமரா வைத்து பணிபுரிபவர்கள், எழுத்தாளர்கள், ஐடி துறை, ஆட்டோமேஷன், மெக்கானிக் ஷாப், ஸ்பேர்பார்ட்ஸ், செகண்ட் ஹேண்ட் கார் விற்பனையில் இருப்பவர்களுக்கு நன்மை தரும் காலகட்டமாக இருக்கும்.

காதல் மலரும்

சுக்கிரனைத் தொடர்ந்து 10 ஆம் இடத்துக்கு சூரிய பகவான் வருகிறார். வேலையில் உங்களை பிஸியாக வைத்திருப்பார். 7க்கு உரியவன் 5 ஆம் இடத்தில் உச்சம் பெற்று உங்களுக்கு யோகத்தையும், காதலையும் தருவார். உங்களுடைய நண்பர்களை எல்லாம் சந்திக்கும் யோகம் உண்டாகும். கிரிக்கெட் விளையாடுவீர்கள். வேலை வேலை என்று சுத்தாமல் உங்களுக்கான நேரத்தை செலவிடுவீர்கள்.

யோகம்

இளமையாக மாறுவீர்கள். மாடலிங், பேஷன் துறையில் இருப்பவர்களுக்கு புதிய ஜர்னல்கள் கிடைக்கும். உலக அழகன், அழகிப் போட்டிகளுக்குச் செல்வீர்கள். பழைய காதல்கள் மீண்டும் சேரும். நேரமே இல்லாத அளவுக்கு பல்வேறு பிசினஸ்களில் ஈடுபடாமல் இருப்பது நல்லது. 4 ஆம் இடத்தில் இத்தனை கிரகங்கள் இருப்பதால் மிகவும் சோர்வாக காணப்படுவீர்கள்.

வழிபாடு

வேலை டென்ஷன் அதிகமாக இருக்கும். அதனால், ஒரு வேலையை மட்டும் செய்வது நல்லது. 4 ஆம் இடத்தில் ராகு அமர்ந்துள்ளதால் அறிமுகமில்லாத நபர்களிடம் பேசுவதைத் தவிர்ப்பது நல்லது. ஜாக்கிரதையாக இருப்பது நன்மையைத் தரும். போட்டோ, வீடியோக்களை அனுப்புவதைத் தவிர்ப்பது நல்லது. அறிமுகம் இல்லாத நபர்களிடம் ரகசியங்களைத் தவிர்ப்பது நல்லது. லட்சுமி வழிபாடு முன்னேற்றத்தைத் தரும்.

English summary

Viruchigam Rasi Palan: Let's see what kind of benefits will get Viruchigam rasi (Scorpio) people during this march month.