ரெடியா? நேவி சில்ட்ரன்ஸ் பள்ளியில் ஏராளமான வேலை..டிகிரி, பிஎட் படித்தவர்களுக்கு அரக்கோணத்திலேயே பணி

சென்னை: சென்னை அரக்கோணத்தில் நேவி சில்ட்ரன்ஸ் பள்ளி அமைந்துள்ளது. இந்த பள்ளியில் காலியாக உள்ள ஆசிரியர்கள், லேப் அசிஸ்டென்ட், ஆபிஸ் அசிஸ்டென்ட் பணியிடங்கள் நிரப்புவதற்கான அறிவிப்பு என்பது வெளியாகி உள்ளது. இதற்கு பிஎட் முடித்தவர்கள் முதல் டிகிரி படித்தவர்கள் என அனைவரும் விண்ணப்பம் செய்து பணியை பெற முடியும்.

தமிழ்நாட்டில் கோயம்புத்தூர் மற்றும் அரக்கோணத்தில் நேவி சில்ட்ரன்ஸ் ஸ்கூல் (Navy Children School or NCS) செயல்பட்டு வருகிறது. இதில் அரக்கோணத்தில் உள்ள பள்ளியில் காலி இடங்களை நிரப்புவதற்கான அறிவிப்பு வெளியாகி உள்ளது.

பல்வேறு பிரிவுகளில் பணியாற்ற விருப்பம் உள்ள ஆசிரியர்கள் இந்த வேலைக்கு விண்ணப்பம் செய்யலாம். இதுதொடர்பான அறிவிப்பின் முக்கிய சாராம்சங்கள் வருமாறு:

காலியிடங்கள் எவ்வளவு?

அரக்கோணம் நேவி சில்ட்ரன்ஸ் ஸ்கூலில் முதுகலை பட்டதாரி ஆசிரியர்கள், பயிற்சி பெற்ற பட்டதாரி ஆசிரியர்கள், தொடக்கக்கல்வி ஆசிரியர், ஆய்வுக்கூட நிபுணர் ஆகிய பணிகளுக்கான அறிவிப்பு வெளியாகியுள்ளது. விண்ணப்பம் செய்து தேர்வாகும் நபர்களுக்கு திறமையின் அடிப்படையில் மாத ஊதியம் வழங்கப்பட உள்ளது.

வயது வரம்பு என்ன?

முதுகலை பட்டதாரி ஆசிரியர்கள் மற்றும் பயிற்சி பெற்ற பட்டதாரி ஆசிரியர்கள் மற்றும் தொடக்ககல்வி ஆசிரியர்கள் 23 வயது முதல் 40 வயதுக்குள் இருக்க வேண்டும். லேப் அசிஸ்டென்ட் மற்றும் ஆபிஸ் அசிஸ்டென்ட் பணிக்கு விண்ணப்பம் செய்பவர்கள் 21 வயதில் இருந்து 40 வயதுக்குள் இருக்க வேண்டும்.

கல்வித்தகுதி என்ன?

முதுகலைப் பட்டதாரி ஆசிரியர் பணிக்கு விண்ணப்பம் செய்பவர்கள் ஆங்கிலம், கணிதம், இயற்பியல், வேதியியல், உயிரியல், கம்ப்யூட்டர் சயின்ஸ் உள்ளிட்ட பாடங்களில் 60 சதவீத மதிப்பெண்களுடன் பட்டமேற்படிப்பு முடித்து பிஎட் முடித்திருக்க வேண்டும். பயிற்சி பெற்ற பட்டதாரி ஆசிரியர்கள் பிஏ, பிஎஸ்சி டிகிரியை தொடர்புடைய துறையில் முடித்து பிஎட் முடித்திருக்க வேண்டும். தொடக்க பள்ளி ஆசிரியர்கள் பிஏ, பிஎஸ்சி, பிகாம், பிடெக், பிபிஏ படிப்புகளுடன் பிஎட் முடித்திருக்க வேண்டும். லேப் அசிஸ்டென்ட் பணிக்கு பிஎஸ்சி டிகிரியையும், ஆபிஸ் அசிஸ்டென்ட் பணிக்கு ஏதாவது ஒரு டிகிரியையும் முடித்திருக்க வேண்டும்.

விண்ணப்பிக்கும் முறை

தகுதி மற்றும் விருப்பம் உள்ளவர்கள் https://www.ncsarakkonam.edu.in/ என்ற இணையத்தளம் சென்றுவிண்ணப்பப்படிவத்தைப் பதிவிறக்கம் செய்து சரியாக பூர்த்தி செய்து உரிய சான்றிதழ்களுடன் இணைத்து தபால் மூலமும், இ-மெயில் மூலமாகவும் அனுப்ப வேண்டும். விண்ணப்பங்களை The Headmistress, Navy Children School, INS Rajali, Arakkonam - 631 006, தொலைபேசி எண் : 9061752717 / 9488758004 முகவரிக்கும், இ-மெயிலை [email protected] முகவரிக்கும் அனுப்பி வைக்க வேண்டும். விண்ணப்பங்களை ஜனவரி 23ம் தேதிக்குள் கிடைக்கும்படி அனுப்பி வைக்க வேண்டும்.

பணி தொடர்பான அதிகாரப்பூர்வ அறிவிப்பை காண Click Here

English summary

Navy Children's School is located in Arakkonam, Chennai. This school has released a notification to fill the vacant posts of Teachers, Lab Assistant, Office Assistant. For this, everyone who has completed B.ed., who has studied first degree, can apply and get the job.