நீலகிரி அருவங்காடு தொழிற்சாலையில் வேலை.. இன்ஜினியரிங் முடித்தவர்களுக்கு சூப்பர் சான்ஸ்

சென்னை: மத்திய அரசுக்கு சொந்தமான வெடிமருந்து தொழிற்சாலையில் வேலைவாய்ப்பு அறிவிக்கப்பட்டுள்ளது. இன்ஜினியரிங், டிப்ளமோ முடித்தவர்களுக்கு இந்த வேலைவாய்ப்பு அறிவிப்பு வெளியிடப்பட்டுள்ளது. இதற்கு எப்படி விண்ணப்பிப்பது? சம்பளம் போன்ற விரிவான விவரங்கள் இங்கே தரப்பட்டுள்ளன.

நீலகிரி மாவட்டம் அருவங்காட்டில் மத்திய அரசுக்கு சொந்தமான வெடிமருந்து தொழிற்சாலை உள்ளது. மத்திய பாதுகாப்புத்துறை அமைச்சகத்தின் கீழ் செயல்படும் இந்த நிறுவனத்தில், நாட்டில் ராணுவ பயன்பாட்டுக்கு தேவையான ஆயுதங்களுக்கான வெடிமருந்துகள் உள்ளிட்டவை தயாரிக்கப்படுகின்றன.

40 பணியிடங்கள்

இந்த தொழிற்சாலையில் நிரந்தர பணியிடங்கள் மட்டுமின்றி அப்ரெண்டீஸ் பயிற்சிக்கும் அவ்வப்போது அறிவிப்பு வெளியிடப்படுகிறது. அந்த வகையில் தற்போது 40 பயிற்சி பணியிடங்களை நிரப்ப அறிவிப்பு வெளியாகியுள்ளது. ஓராண்டு ஒப்பந்த அடிப்படையில் நிரப்பப்படும் இந்த பணியிடங்களுக்கு விண்ணப்பிப்பது எப்படி? கல்வித் தகுதி உள்ளிட்ட விவரங்களை பார்க்கலாம்.

பணியிடங்கள் விவரம்:

* கெமிக்கல் இன்ஜினியரிங் - 14 பணியிடங்கள்
* மெக்கானிக்கல் இன்ஜினியரிங் - 05
* எலெக்ட்ரிக்கல் மற்றும் எலெக்ட்ரானிக்ஸ் இன்ஜினியரிங் - 01

டிப்ளமோ அப்ரெண்டிஸ்கள்:

* கெமிக்கல் இன்ஜினியரிங் - 14 பணியிடங்கள்
* மெக்கானிக்கல் இன்ஜினியரிங் - 04
* சிவில் இன்ஜினியரிங் - 01
* கம்ப்யூட்டர் இன்ஜினியரிங் - 01 என மொத்தம் 40 பேர் தேவைப்படுகின்றனர்.

கல்வித் தகுதி:

துறை சார்ந்த பிரிவில் இன்ஜினியரிங், டிப்ளமோ முடித்தவர்கள் விண்ணப்பிக்கலாம். சமீபத்தில் பட்டம் முடித்து இருக்க வேண்டும். அதாவது 5 ஆண்டுகளுக்குள் பட்டம் முடித்து இருக்க வேண்டும்.

சம்பளம் எவ்வளவு:

* பட்டதாரி அப்ரெண்டீஸ் - ரூ.12,300
* டிப்ளமோ அப்ரெண்டீஸ் - ரூ.10,900

விண்ணப்பிப்பது எப்படி?

தகுதியான விண்ணப்பங்கள் பரிசீலிக்கப்பட்டு சான்றிதழ் சரிபார்ப்பு நடைபெறும். தகுதியும் ஆர்வமும் இருக்கும் விண்ணப்பதாரர்கள் கீழே கொடுக்கப்பட்டுள்ள தேர்வு அறிவிப்பினை படித்து உறுதி செய்து கொண்ட பின்னர் விண்ணப்பிக்கலாம். விண்ணப்ப படிவத்துடன் தங்களது சுயவிவரங்கள் மற்றும் கல்விச்சான்றிதழ்களின் நகல்கள், சாதி சான்றிதழ், பிறப்பு சான்றிதழ், மதிப்பெண் சான்றிதழ் ஆகியவற்றின் நகல்களை கெஸட்டெட் அதிகாரிகளின் கையொப்பம் பெற்று அனுப்ப வேண்டும்.

அனுப்ப வேண்டிய முகவரி:

"The Chief General Manager,
Cordite Factory Aruvankadu,
The Nilgiris, Tamil Nadu - 643202"

விண்ணப்பிக்க வரும் 17.04.2026 கடைசி நாளாகும்.

தேர்வு அறிவிப்பினை படிக்க:
https://ddpdoo.gov.in/en/main/vacancies?page=3

English summary

Nilgiris job: The Cordite Factory in Aruvankadu, Nilgiris, under the Ministry of Defence, has announced 40 apprentice vacancies for Engineering and Diploma graduates. Selected candidates will undergo one-year training with a monthly stipend of ₹12,300 for graduates and ₹10,900 for diploma holders. Eligible candidates who completed their qualifications within the last five years can apply by sending their documents before April 17, 2026.