சப் இன்ஸ்பெக்டர் தேர்வுக்கு விண்ணப்பிக்க வரும் 17ஆம் தேதி வரை கால அவகாசம் நீட்டிப்பு

காவல் உதவி ஆய்வாளர் தேர்வுக்கு விண்ணப்பிக்க ஏப்ரல் 17 ஆம் தேதி வரை கால அவகாசம் நீட்டிக்கப்பட்டுள்ளதாக தமிழ்நாடு சீருடைப் பணியாளா் தோ்வு வாரியம் தெரிவித்துள்ளது.

சென்னை: காவல் உதவி ஆய்வாளர் தேர்வுக்கு விண்ணப்பிக்க இன்றே கடைசி நாள் என அறிவிக்கப்பட்டிருந்த நிலையில் மேலும் 10 நாள்கள் இதற்கான அவகாசம் வழங்கப்பட்டுள்ளது. இணையதள தொழில் நுட்ப கோளாறு காரணமாக இன்று காலை முதல் ஆன்லைனில் விண்ணப்பிப்பதில், பிரச்சனை ஏற்பட்டு வந்ததால் கால அவகாசம் நீட்டிக்கப்பட்டுள்ளது.

தமிழ்நாடு சீருடைப் பணியாளர்கள் ஆட்சேர்ப்பு வாரியம் (TNUSRB), காவல் உதவி ஆய்வாளர் பணியிடங்களை நிரப்புவதற்கான அறிவிப்பை சமீபத்தில் வெளியிட்டிருந்தது.

தமிழகம் முழுவதும் சுமார் 444 காலி பணியிடங்களை நிரப்ப இந்த ஆட்சேர்ப்பு செயல்முறை நடத்தப்படுகிறது. இதில், 399 காவல் துணை கண்காணிப்பாளர்கள் (தாலுகா) பதவிக்கும், 45 காவல் துணை கண்காணிப்பாளர்கள் (AR) பணியிடங்களும் நிரப்பப்படும்.

விண்ணப்பிப்பதற்கு தகுதி

அறிவிப்பு வெளியிடப்படும் தேதியில் விண்ணப்பதாரர், பல்கலைக்கழக மானியக் குழு / அரசாங்கத்தால் அங்கீகரிக்கப்பட்ட நிறுவனம் / பல்கலைக்கழகத்தில் இளங்கலைப் பட்டம் பெற்றிருக்க வேண்டும். இருப்பினும், மேலே உள்ள முறையைப் பின்பற்றாமல் திறந்தநிலைப் பல்கலைக்கழகங்கள் மூலம் இளங்கலைப் பட்டம் பெற்ற விண்ணப்பதாரர்கள் தகுதி பெற மாட்டார்கள்.

தேர்வு செயல்முறை:

இப்பதவிகளுக்கு விண்ணப்பிக்கும் விண்ணப்பதாரிகளுக்கான தேர்வு செயல்முறையானது, எழுத்துத் தேர்வை உள்ளடக்கியிருக்கும். அதைத் தொடர்ந்து உடல் திறன் தேர்வு (PET) / உடல் அளவீட்டுத் தேர்வு (PMT) / சகிப்புத்தன்மை தேர்வு (ET) ஆகியவற்றில் தேர்ச்சி பெற வேண்டும். இதைத் தொடர்ந்து Viva- Voce நடைபெறும்.

எழுத்துத்தேர்வு

எழுத்துத் தேர்வின் பகுதி 1 தமிழ் மொழித் தகுதித் தேர்வு. தமிழ் மொழித் தகுதித் தேர்வு இயற்கையில் தகுதிபெறும் மற்றும் புறநிலை வகையாக இருக்கும். விண்ணப்பதாரர்கள் 100 கேள்விகளுக்கு 100 மதிப்பெண்களுக்கு பதிலளிக்க வேண்டும் மற்றும் தேர்வு காலம் 1 மணி நேரம் 40 நிமிடங்கள் ஆகும். அடுத்த கட்ட மதிப்பீட்டிற்குத் தகுதிபெற தமிழ் மொழித் தகுதித் தேர்வில் குறைந்தபட்சம் 40% மதிப்பெண்கள் கட்டாயம், ஆனால் தற்காலிகத் தேர்வுப் பட்டியலைத் தயாரிக்கும் போது கருத்தில் கொள்ளப்படாது. NCC, NSS அல்லது விளையாட்டில் சிறந்து விளங்குபவர்களுக்கு சிறப்பு மதிப்பெண்களாக 5 மதிப்பெண்கள் வழங்கப்படும்.

வயது வரம்பு என்ன?

இதற்கு விண்ணப்பிக்க விரும்பும் விண்ணப்பதாரர்களின் வயது ஜூலை 1, 2022 ஆம் தேதியின் படி குறைந்தபட்சம் 20 முதல் 30 வயதுக்கு மிகாமல் இருக்க வேண்டும். குறிப்பிட்ட பிரிவைச் சேர்ந்த விண்ணப்பதாரர்களுக்கு அதிகபட்ச வயது வரம்பில் தளர்வு வழங்கப்படும். இப்பதவிகளுக்கு விண்ணப்பிக்க விரும்பும் விண்ணப்பதாரர்கள், விண்ணப்ப கட்டணமாக 500 ரூபாய் செலுத்த வேண்டும்.

ஏப்ரல் 17 வரை கால அவகாசம்

காவல் உதவி ஆய்வாளர் தேர்வுக்கு விண்ணப்பிக்க இன்றே கடைசி நாள் என அறிவிக்கப்பட்டிருந்த நிலையில் மேலும் 10 நாள்கள் இதற்கான அவகாசம் வழங்கப்பட்டுள்ளது. இணையதள தொழில் நுட்ப கோளாறு காரணமாக இன்று காலை முதல் ஆன்லைனில் விண்ணப்பிப்பதில், பிரச்சனை ஏற்பட்டு வந்ததால் ஏப்ரல் 17 வரை விண்ணப்பிக்க கால அவகாசம் நீட்டிக்கப்பட்டுள்ளது.

English summary

TNUSRB SI recruitment 2022: (காவல் உதவி ஆய்வாளர் தேர்வுக்கு விண்ணப்பம் 2022) Tamil Nadu Uniformed Personnel Selection Board was announced that candidates can apply for the 444 vacant posts of Sub-Inspectors in the Tamil Nadu Police from the 8th of this month. Followed by This Recruitment Online Application was closed on 07.04.2022.