என்ன பெரிய சென்னை மழை.. நெல்லை, தூத்துக்குடி மழையைப் பார்த்திருக்கியா நீ?

Published: Tuesday, December 19, 2023, 20:15 [IST]

Subscribe to Oneindia Tamil

சென்னை: சென்னையை கலங்கடித்த மழை இப்போது தென் மாவட்டங்களையும் விட்டு வைக்கவில்லை என மழையைப் பற்றிய மீம்ஸ்களைப் பகிர்ந்து வருகின்றனர் நெட்டிசன்கள்.

கனமழையால் தென் மாவட்டங்கள் தத்தளித்துக் கொண்டிருக்கின்றன. இன்னும் அங்கே இயல்புநிலை திரும்பவில்லை. இந்த கனமழை சென்னையை மட்டுமல்ல.. இந்தமுறை தென்மாவட்டங்களையும் ஒரு வழி செய்து விட்டது. இதனால் மக்கள் பெரும் பாதிப்புகளைச் சந்தித்துள்ளனர்.

பலர் தங்களது வாழ்நாள் சேமிப்பான வீட்டு உபயோகப் பொருட்கள் மற்றும் வாகனங்களை மழை நீரில் வீணாகிப் போன சோகத்தில் உள்ளனர். மீண்டும் பூஜ்யத்திலிருந்து வாழ்க்கையைத் தொடங்க வேண்டிய கட்டாயத்தில் இருக்கின்றனர். இந்த விவகாரம் நிச்சயம் அனைவரும் வருத்தப்பட வேண்டிய ஒன்றுதான்.

ஆனாலும் வழக்கம் போல், புண் பட்ட மனதை மீம்ஸ் போட்டு ஆற்று என கொஞ்சம் வாய்விட்டு சிரித்தாலாவது, மனப்பிரச்சினைகளில் இருந்து கொஞ்சம் தப்பித்துக் கொள்ளலாம் என மழை பற்றிய மீம்ஸ்களைப் பகிர்ந்து வருகின்றனர் சமூகவலைதளங்களில்.

யாரையும் புண் படுத்தும் வகையில் இல்லாமல், நகைச்சுவையாக ரசித்து விட்டுக் கடந்து செல்லும்படி இருக்கின்றன இந்த மீம்ஸ்கள். இதோ அப்படியாக இணையத்தில் நம் கண்ணில் பட்ட நகைச்சுவையான சில மழை மீம்ஸ்களின் தொகுப்பு உங்களுக்காக...