அதிவேக வளர்ச்சியில் இந்திய சாப்ட்வேர் துறை

டெல்லி:

சமீபகாலத்தில் இந்திய தொழில்துறையைவிட சாப்ட்வேர்துறை 5 மடங்கு அதிகம் வளர்ச்சி அடைந்து வருகிறது.

1990ம் ஆண்டில் 150 மில்லியன் டாலர் அளவுக்கு இருந்த இந்தியாவின் சாப்ட்வேர் ஏற்றமதி இப்போது 4பில்லியன் டாலராக உயர்ந்துள்ளது. சிறிய நகரங்களிலும் கம்ப்யூட்டர் கல்வி மையங்கள், இன்டர்நெட் மையங்கள்பரவி வருகின்றன.

4 ஆண்டுகளுக்கு முன் 1 லட்சமாக இருந்த இன்டர்நெட் இணைப்புகளின் எண்ணிக்கை இப்போது 8 லட்சமாகஉயர்ந்துள்ளது. ஆண்டுக்கு 10 லட்சம் கம்ப்யூட்டர்கள் விற்பனையாகி வருகின்றன.

இருப்பினும் இந்தியாவின் மொத்த உள்நாட்டு உற்பத்தியில் கம்ப்யூட்டர்துறையின் பங்கு 1 சதவீதமாகத் தான்உள்ளது. உலகளவில் இந்தியாவின் சாப்ட்வேர் ஏற்றுமதியின் பங்கு 1.5 சதவீதமாகும். ஆனால், இதுஆண்டுதோறும் 15 சதவீதம் அதிகரித்து வருகிறது.

இன்டர்நேசனல் டேட்டா கார்போரேஷன்-வேர்ல்ட் டைம்ஸ் ஆகியவை சமீபத்தில் இணைந்து நடத்திய சர்வதேசஆய்வில் கம்ப்யூட்டர்துறையில் முன்னேறியுள்ள முதல் 55 நாடுகளில் 54வது இடத்தில் தான் இந்தியா உள்ளது.

இந்தியாவில் சராசரியாக 1,000 பேருக்கு 3 கம்ப்யூட்டர்கள் உள்ளன. ஒரு சராசரி இந்தியன் கம்ப்யூட்டர் வாங்கதனது 2 ஆண்டு வருமானத்தையும் செலவழித்தால் தான் முடியும். ஆனால், அமெரிக்கர்களின் மாத வருமானம்சராசரியாக ஒரு கம்ப்யூட்டரின் விலைக்கு சமமானதாகும்.

அதேபோல இந்தியாவில் 90 சதவீத கம்யூட்டர் தொடர்பான வர்த்தகம் ஆங்கிலத்தில் தான் நடக்கிறது. ஆனால்,நாட்டில் 5 சதவீதம் பேருக்கு மட்டுமே இந்த மொழி பேசத் தெரியும்.

கம்ப்யூட்டர்களின் தாக்கம் இந்தியா முழுவதும் சீராக இல்லை. தென் இந்தியா, மேற்கிந்திய பகுதிகளில் ஐ.டி.தொழில் சிறந்து விளங்குகிறது. ஆனால், ஹிந்தி பேசும் மாநிலங்கள் இதில் மிகவும் பின் தங்கியுள்ளன.

ஐ.ஏ.என்.எஸ்.

Back to Index Page