தமிழகத்தில் இன்று
கார்த்திக் ராஜாவுக்கு ஜூன் 8-ல் திருமணம்
சென்னை:
பிரபல இசையமைப்பாளர் இளையராஜாவின் மகன் கார்த்திக் ராஜா திருமணம் வரும் ஜூன் மாதம் 8-ம் தேதிதிருப்பதியில் நடக்கிறது. மணமகள் எம்.கே. ராதாவின் பேத்தி ராஜ ராஜேஸ்வரி என்ற ராஜிவி.
இளையராஜாவின் மூத்த மகன் கார்த்திக் ராஜா. இவரும் இசையமைப்பாளரே. உல்லாசம், அலெக்சாண்டர்,மாணிக்கம் போன்ற படங்களுக்கு இசையமைத்திருக்கிறார்.
மணமகள் பெயர் ராஜிவி. இவர் மறைந்த நடிகர் எம்.கே. ராதாவின் பேத்தியும், மனோகரன், வசந்தா தம்பதியின்மகளுமாவார்.
திருப்பதியில் திருமணம்:
கார்த்திக் ராஜா-ராஜிவி திருமணம் திருப்பதியில் வரும் ஜூன் 8 ம் தேதி அகோபிலம் மடத்தில் நடக்கிறது. அன்றுகாலை 10.45 மணிக்கு முகூர்த்தம். மாப்பிள்ளை அழைப்பு 7 ம் தேதி மாலை நடக்கிறது.
வரவேற்பு:
திருமணத்திற்கான வரவேற்பு நிகழ்ச்சி ஜூன் 12 ம் தேதி மாலை 6.30 மணிக்கு சென்னை தேனாம்பேட்டையில்உள்ள கலைஞர் அரங்கில் நடக்கிறது.
வரவேற்பிற்கு உன்னிகிருஷ்ணனின் இசை நிகழ்ச்சிக்கு ஏற்பாடு செய்யப்பட்டுள்ளது. திருமணத்திற்கானஏற்பாடுகளை இளையராஜா, அவரது மனைவி ஜீவா, மகன் யுவன்சங்கர் ராஜா, இளையராஜாவின் தம்பி கங்கைஅமரன், பட அதிபர்கள் பஞ்சு அருணாசலம், சத்தியஜோதி தியாகராஜன், சிவா, சுப்பு பஞ்சு ஆகியோர் செய்துவருகிறார்கள்.