• search
For Quick Alerts
ALLOW NOTIFICATIONS  
For Daily Alerts

    கலையும், இலக்கியமும்கைகோர்க்கும் நேரம்...

    By Staff
    |

    கே: தமிழகக் காங்கிரஸ் தலைவர்களைப் போல மோசமானவர்கள் வேறு எந்த மாநிலத்திலும் இல்லைஎன்கிறாரே குலாம் நபி ஆசாத்...?

    ப: சும்மா! காங்கிரஸ் தேசிய கட்சி, மாநிலத்திற்கு மாநிலம் வித்தியாசம் பார்க்காத கட்சி, அதனால் எல்லாமாநிலங்களிலும் இதே நிலைமைதான்.

    கே: தமிழ்ப் பண்பாடு என்றால் என்ன? (தெரியாமல் கேட்கிறேன்)

    ப: மனிதப் பண்பாடு என்பது வேறு: தமிழ்ப்பண்பாடு என்பது வேறு என்பது போல பேசுகிறவர்களிடம் கேட்கவேண்டிய கேள்வி இது. தமிழர்களை இப்படியெல்லாம் இழிவுபடுத்துகிறவன் நானல்ல.

    கே: வருங்காலத்தினர் உங்களைப் பற்றி என்ன பேசிக் கொள்வார்கள் என்று நினைக்கிறீர்கள்?

    ப: பயமே கிடையாது: கவலையே இல்லை: நிம்மதியாக இருக்கிறது. நான் விரைவில் மறக்கப்படுவேன் என்றதைரியம் எனக்கிருக்கிறது.

    கே: வாஜ்பாய் எவ்வாறு செயல்படுகிறார்...?

    ப: மாறுபட்ட அணுகுமுறைகளைக் கொண்ட பல கட்சிகள்: அவற்றின் பல குறுகிய அணுகுமுறைகள். அதனால்ஏற்படுகிற நிர்பந்தங்கள் - என்று பல சுமைகளைத் தாங்கி, ஆட்சி நடத்தவேண்டிய நிலையில் வாஜ்பாய்இருக்கிறார். இதை நினைவில் கொண்டு பார்க்கும் போது, அவருடைய செயல்பாடு நன்றாகவே இருக்கிறது.

    கே: ஆசிய கோப்பை கிரிக்கெட் போட்டியில் இந்தியா தோல்வியைத் தழுவி நாடு திரும்பியுள்ளதே?லஞ்சம் ஏதாவது இதிலும் ஊடுருவி இருக்குமா?

    ப: லஞ்சம் இருந்திருந்தால்தான் பரவாயில்லையே! பணம் வாங்கிக்கொண்டு நம்மவர்கள் தோற்று விட்டார்கள்:இல்லையென்றால் நாம் ஜெயித்திருப்போம் என்று நினைத்துக் கொள்ளவாவது வழி இருந்திருக்குமே!இப்போதைக்கு லஞ்சம் இல்லை என்பதால் ஆடத் தெரியாமல் தோற்றோம் என்று ஒப்புக் கொள்ள வேண்டியதாகிவிட்டதே!

    கே: தி.மு.க., த.மா.க., கூட்டணி ஏற்பட இன்னமும் வாய்ப்புகள் உள்ளதா?

    ப: இது நடக்காது - என்று இன்றைய அரசியலில், எதையும் கூறிவிட நான் தயாராக இல்லை.

    கே: மாதர் தம்மை இழிவு செய்யும் மடமையைக் கொளுத்துவோம் என்ற பாரதியின் பாடல் பற்றி உங்கள்கருத்து என்ன?

    ப: நல்ல பாடல், அருமையான கருத்து. பெண்களை பெரிய அளவில் அரசியலுக்கு இழுத்து, அவர்களைக்கேவலப்படுத்தி,பெண்மையையே இழிவுபடுத்த திட்டமிடுகிறவர்களின் மடமைக்கு சரியான சூடு!

    கே: 30 ஆண்டுகள் முடிந்தும், இன்னும் காங்கிரஸ் ஆட்சியை தமிழக மக்கள் புறக்கணிப்பது ஏன்?

    ப: 1971-ல் காங்கிரஸ், சட்டசபையில் ஒரு இடம் கூட வேண்டாம் என்று தி.மு.க.வுடன் ஒப்பந்தம் செய்து கொண்டு.தமிழகத்தைப் புறக்கணித்தது. சில எம்.பி.க்களை மத்திய அரசுக்கு ப் பெற்று தருவதற்கு மட்டுமே தமிழகம்இருக்கிறது - என்ற காங்கிரஸின் அணுகு முறை, அதற்குப் பின்னரும் தொடர்ந்தது. இப்படி காங்கிரஸினால்தொடர்ந்து தமிழகம் புறக்கணிக்கப்பட்டு வந்ததால்தான் காங்கிரஸை தமிழகம் புறக்கணிக்கிற நிலை தோன்றிவிட்டது.

    கே: கி. வீரமணி, சசிகலா, தினகரன் - இவர்கள் கூறும் யோசனைகளில் ஜெயலலிதா யாருக்குமுக்கியத்துவம் கொடுக்கிறார்?

    ப: மூவரும் பேசி ஒரு முடிவுக்கு வந்து, அதன் பிறகுதான் ஜெயலலிதாவிடம் யோசனை கூறப்படுகிறது -என்பதுதான் நிலை. அப்படியிருக்க யாருக்கு முக்கியத்துவம் என்ற கேள்விக்கு இடமில்லை.மும்மூர்த்திகளிடையே, உ.யர்வு , தாழ்வு இல்லை.

    கே: துக்ளக் பத்திரிக்கையின் விற்பனைக்காகவும்,வெற்றிக்காவும் நீங்கள் கடுமையாக உழைக்கிறீர்கள்.கட்சியின் வளர்ச்சிக்காகவும், வெற்றிக்காகவும் கருணாநிதி கடுமையாக உழைக்கிறார் என்று நீங்களேசான்றிதழ் கொடுத்திருக்கிறீர்கள். உங்கள் இருவரின் உழைப்புக்கும் உள்ள ஒற்றுமை வேற்றுமை என்னஎன்று சொல்ல முடியுமா?

    ப: என் உழைப்பு, வசதியான உழைப்பு, சிரமம் அதிகமில்லை. அவருடைய உழைப்பு அப்படிப்பட்டது இல்லை.

    கே; அரசு அலுவலகங்களில் தினமும் ஒரு திருக்குறள் எழுதி வைக்க வேண்டும் என்ற தமிழக அரசின்உத்தரவு பற்றி...?

    ப: திருக்குறள் வரும் முன்னே. முதல்வரின் பொன் மொழி வரும் பின்னே! இது அரசு பஸ்கள் தருகிற அனுபவப்பாடம்.

    கே: காங்கிரஸ் தன் முடிவை மறுபரிசீலனை செய்யாவிடில், தன் ஆதரவாளர்களுடன் கட்சியிலிருந்துவிலகி விடுவேன் என்று திண்டிவனம் ராமமூர்த்தி கூறியுள்ளது பற்றி...?

    ப: இந்த ஒரு உதவியினால் மட்டும், காங்கிரஸ் பலம் பெற்று விடாது.

    கே: சோனியா போவது இந்திரா காந்தி வழியா ? அல்லது ஜெயலலிதா போலவா?

    ப: ஜானகி, லஷ்மி பார்வதி போலவோ? என்ற சந்தேகம் வருகிறதே!

    கே: மனிதனை அதிகம் பாதிப்பது அரசியலா? சினிமாவா? துக்ளக்கா?

    ப: துக்ளக்தான். இல்லாவிட்டால் இந்த மாதிரியெல்லாம் கேள்வி கேட்பீர்களா?

    கே: தனியார் வசம் ஒப்படைத்தல் என்றாலே ஏன் போராட்டம் நடத்துகிறார்கள்?

    ப: தனியார் துறையில் வேலை செய்யாமல், பொழுது போக்க முடியாதே? வேலையே செய்யாவிட்டாலும் வேலைநிரந்தரம் - என்ற நிலை மாறி விடுமே? அந்த பயம் தான்!

    கே: தற்போது வழக்கறிஞர்களே அதிகம் அரசியல்வாதிகளாக வர விரும்புவது ஏன்?

    ப: தன் கட்சி தோற்றாலும், தன் பிழைப்பு கெடாது - என்கிற நிலைக்குப் பழக்கப்பட்டு விட்ட வக்கீல்களுக்கு ஏற்றஇடம் அரசியல்தானே?

    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

     
     
     

    நாள் முழுவதும் oneindia
    செய்திகளை உடனுக்குடன் பெற

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more