தமிழகத்தில் இன்று

சிங்கப்பூர் சுற்றுப் பயணத்துக்கான நியுசி.கிரிக்கெட் அணி

ஆக்லாந்து:

சிங்கப்பூர், ஜிம்பாப்வே நாடுகளில் சுற்றுப்பயணம் மேற்கொள்ளும் நியுசிலாந்து கிரிக்கெட் அணி அறிவிக்கப்பட்டுள்ளது. ஸ்டீபன் பிளம்மிங் தலைமையில்நியுசிலாந்து அணி சுற்றுப்பயணம் மேற்கொள்ளும்.

ஆகஸ்ட் மாதம் சிங்கப்பூரில் நடைபெறும் மூன்று நாடுகள் ஒருநாள் கிரிக்கெட் போட்டித் தொடர் மற்றும் செப்டம்பரில் ஜிம்பாப்வேயில் ஒருநாள்மற்றும் டெஸ்ட் கிரிக்கெட் தொடரில் நியுசிலாந்து பங்கேற்கும்.

சிங்கப்பூரில் நடைபெறும் போட்டியில் நியுசிலாந்து, பாகிஸ்தான், தென் ஆப்பிரிக்கா ஆகிய அணிகள் பங்கு கொள்கின்றன. இது தவிர தென் ஆப்பிரிக்காவிலும்கென்யாவிலும் நடைபெறும் கிரிக்கெட் போட்டிகளிலும் நியுலாந்து பங்கு கொள்ள உள்ளது.

இப்போது சிங்கப்பூர் போட்டிக்கும், ஜிம்பாப்வேக்கு எதிரான முதல் 4 போட்டிகளுக்கும் இரு அணிகள் அறிவிக்கப்பட்டுள்ளன.

சிங்கப்பூர் போட்டிக்கான அணி:

ஸ்டீபன் பிளம்மிங் (கேப்டன்), ஆஸ்லே, கிறிஸ் நெவின், டூஸ், மேக்மில்லன், கெய்ர்ன்ஸ், ஹாரிஸ், வெட்டோரி, ஸ்டைரிஸ், வைஸ்மேன், ஓகானர், அல்லாட், டஃப்பி.

ஜிம்பாப்வே போட்டிக்களுக்கான அணி:

ஸ்டீபன் பிளம்மிங் (கேப்டன்), ரிச்சர்ட்ஸன், ஹார்ன், சின்கிளெய்ர், ஸ்பியர்மேன், ஆஸ்லே, மேக்மில்லன், கெய்ர்ன்ஸ், பரோரி, நாஷ், வெட்டோரி, ஸ்டைரிஸ், வெஸ்மேன்,ஓகானர், டஃப்பி.