இங்கிலாந்துக்கு எதிரான 4-வது டெஸ்டில் மே.இ. தீவுகள் படுதோல்வி

ஹெட்டிங்லி:

மேற்கிந்தியத் தீவுகள் அணிக்கு எதிராக ஹெட்டிங்லியில் நடைபெற்ற 4-வது கிரிக்கெட்டெஸ்டில் இங்கிலாந்து ஒரு இன்னிங்ஸ் மற்றும் 39 ரன்கள் வித்தியாசத்தில் வெற்றிபெற்றது.

டெஸ்டின் இரண்டாவது நாளிலேயே மேற்கிந்தியத் தீவுகள் அணிபடுதோல்வியடைந்தது குறிப்பிடத்தக்கது.

முதல் நாள் ஆட்டம் முடிவில் 5 விக்கெட் இழப்புக்கு 105 ரன்கள் என்ற நிலையில்தனது ஆட்டத்தை இங்கிலாந்து வெள்ளிக்கிழமை தொடர்ந்தது.

மேற்கிந்தியத் தீவுகள் அணியிந் வால்ஷ், ஆம்புரோஸ் ஆகியோரின் சிறப்பான பந்துவீச்சில் இங்கிலாந்து ரன் குவிக்க தடுமாறியது. இருப்பினும் வாகன்,ஹிக், தோர்பேஆகியோர் ஓரளவு நின்று ஆடி ரன்கள் குவித்தனர்.

இதனால், இங்கிலாந்து அணி 272 ரன்கள் என்ற கவுரமான ஸ்கோரை எட்டியது. இதன்மூலம் மேற்கிந்தியத் தீவுகள் அணியை விட 100 ரன்கள் கூடுதலாகப் பெற்றதுஇங்கிலாந்து. வாகன் 76 ரன்களும், ஹிக் 59 ரன்களும், தோர்பே 46 ரன்களும்எடுத்தனர்.

மேற்கிந்தியத் தீவுகள் அணியில் வால்ஷ். ஆம்புரோஸ் இருவரும் தலா 3விக்கெட்டுகளை வீழ்த்தினர்.

100 ரன்கள் பின் தங்கிய நிலையில் தனது இரண்டாவது இன்னிங்ஸைத் தொடங்கியதுமேற்கிந்தியத் தீவுகள். தொடக்கமே அந்த அணிக்கு பலத்த அடியாக இருந்தது.

இங்கிலாந்து அணியின் டேரன் கோ சிறப்பாகப் பந்துவீசி மேற்கிந்தியத் தீவுகள் அணிவிக்கெட்டுகளை வீழ்த்தினார். 21 ரன்னுக்கு 4 விக்கெட்டுகளை இழந்து தவித்தஅணியை சரிவிலிருந்து மீட்க கேப்டன் ஆடம்ஸ், சர்வான் இருவரும் முயன்றனர்.

ஆனால், அந்த கூட்டணியை கார்க் உடைத்தார். அவருக்கு அடுத்து பந்து வீச வந்தகாட்டிக் மேற்கிந்தியத் தீவுகள் அணியின் கடைசி விக்கெட்டுகளை மளமளவென்றுவீழ்த்தினார்.

ஒரே ஓவரில் அவர் 3 விக்கெட்டுகளை வீழ்த்தி மீள முடியாத அளவுக்கு மேற்கிந்தியத்தீவுகள் அணிக்கு பெரும் சரிவை ஏற்படுத்தினார்.

இறுதியில் 61 ரன்களுக்கு அனைத்து விக்கெட்டுகளையும் இழந்து ஒரு இன்னிங்ஸ்மற்றும் 39 ரன்கள் வித்தியாசத்தில் மேற்கிந்தியத் தீவுகள் அணி தோல்வியடைந்தது.அணியில் 5 பேர் ஒரு ரன் கூட எடுக்கவில்லை என்பது குறிப்பிடத்தக்கது.

இங்கிலாந்து அணியில் டேரன் கோ 4 விக்கெட்டுகளையும், காட்டிக் 5விக்கெட்டுகளையும் வீழ்த்தினர்.

முதல் இன்னிங்ஸில் 76 ரன்கள் குவித்த இங்கிலாந்து வீரர் வாகன் சிறந்தஆட்டக்காரராகத் தேர்வு செய்யப்பட்டார்.

டெஸ்டின் 2-வது நாளிலேயே மேற்கிந்தியத் தீவுகள் அணி தோல்வியடைந்ததுகுறிப்பிடத்தக்கது. மேற்கிந்தியத் தீவுகள் அணி தனது முதல் இன்னிங்ஸில் 172 ரன்கள்எடுத்தது.

இந்த டெஸ்ட் தொடரின் அடுத்த மற்றும் கடைசி ஆட்டம் ஓவலில் ஆகஸ்ட் 31-ம் தேதிதொடங்குகிறது. இந்த டெஸ்ட் தொடரில் இங்கிலாந்து 2-1 என்ற கணக்கில்முன்னிலையில் உள்ளது.

முதல் டெஸ்டில் மேற்கிந்தியத் தீவுகளும், இரண்டாவது டெஸ்டில் இங்கிலாந்தும்வெற்றி பெற்றன. 3-வது டெஸ்ட் டிராவில் முடிந்தது.