இந்தியா வருகிறார் ஜப்பான் பிரதமர் மோரி

டோக்கியோ:

ஜப்பான் பிரதமர் யோஷிரோ மோரி இந்தியா உள்ளிட்ட தெற்காசிய நாடுகளில் ஒருவார கால பயணத்தை சனிக்கிழமை துவக்கினார்.

இந்தியா, பாகிஸ்தான், பங்களாதேஷ், நேபாளம் ஆகிய நாடுகளில் அவர்சுற்றுப்பயணம் செய்கிறார். கடந்த பத்து ஆண்டுகளில் தெற்காசிய நாடுகளுக்கு வரும்முதலாவது ஜப்பான் பிரதமர் மோரிதான் என்பது குறிப்பிடத்தக்கது.

முதலில் அவர் பங்களாதேஷ் செல்கிறார். சனிக்கிழமை பிற்பகல் அவர் பங்களாதேஷ்தலைநகர் தாக்கா செல்வார். ஞாயிற்றுக்கிழமை பிற்பகல் அவர் பாகிஸ்தான் தலைநகர்இஸ்லாமாபாத் செல்கிறார். அதன் பின்னர் டெல்லி வருகிறார். புதன்கிழமை பிரதமர்வாஜ்பாயுடன் பேச்சு நடத்துகிறார். இறுதியாக நேபாளம் செல்கிறார்.