சர்ச்சில் இடம்பெற்றிருந்த அன்னை தெரேசாவின் பெயர் நீக்கம்

உட்ஸ்டாக் (அமெரிக்கா):

அமெரிக்காவின் ஜார்ஜியா மாநிலத்திலுள்ள ஒரு சர்ச்சில் இடம் பெற்றிருந்த அன்னைதெரேசாவின் பெயர் நீக்கப்பட்டு விட்டது.

இதுகுறித்து ஜார்ஜியாவைச் சேர்ந்த அந்த சர்ச்சின் பிஷப் ரிச்சர்ட் ராபர்ட்ஸ்கூறுகையில், சர்ச்சில் இடம் பெற்றிருந்த தெரேசாவின் பெயர் நீக்கப்பட்டு விட்டது.கத்தோலிக்க மதத் தலைமையகமான ரோமுடன் எந்த உரசலும் ஏற்படாதவாறுபார்த்துக் கொள்ளும் பொருட்டு இந்த முடிவு எடுக்கப்பட்டுள்ளது என்றார் அவர்.

உட்ஸ்டாக் நகரில் உள்ள இந்த சர்ச்சின் பெயர் மதர் தெரேசா பாரிஷ் சர்ச் என்றுஇருந்தது. தனியாருக்குச் சொந்தமானது இது. சர்ச்சின் பெயரில் தெரேசா பெயர் இடம்பெறக் கூடாது என்று கத்தோலிக்க மத குருமார்கள் கடந்த ஒரு மாதமாக கூறி வந்தனர்.இதையடுத்து தற்போது பெயர் நீக்கப்பட்டுள்ளது.