இரு புதிய மாடல்களில் மாட்டிஸ் கார்கள் அறிமுகம்
கல்ல்கத்தா:
மாட்டிஸ் காரில் இரு புதிய மாடல்களை தேவூ மோட்டார்ஸ் நிறுவனம் அறிமுகப்படுத்தியுள்ளது.
இந்திய சிறிய கார்கள் தயாரிப்பில் பல்வேறு நிறுவனங்கள் ஈடுபட்டுள்ளன. ஹூண்டாய், மாருதி, டாடா போன்ற நிறுவனங்களுடன் தேவூ நிறுவனமும்சிறிய கார்கள்ை தயாரித்து வருகிறது.
மற்ற நிறுவனங்களின் தயாரிப்பான சிறிய கார்களுடன் தேவூ நிறுவனத்தின் சிறிய கார்களும் நல்ல விற்பனைச் சந்தையைப் பெற்றுள்ளன.
தேவூ நிறுவனம் தனது பிரபலமான மாட்டிஸ் கார்கள் வரிசையில் இரு புதிய மாடல்களில் கார்களை அறிமுகப்படுத்தியுள்ளது.
மாட்டிஸ் எஸ்ஜி, மாட்டிஸ் எஸ்ஏ என்ற இரு மாடல் கார்கள் திங்கள்கிழமை அறிமுகப்படுத்தப்பட்டன. கல்கத்தாவில் நடந்த நிகழ்ச்சியில் இப் புதியமாடல்களை நிறுவனத்தின் துணை நிர்வாக இயக்குநர் பி.எஸ். மின் அறிமுகப்படுத்தினார்.
மார்க்கெட்டில் உள்ள மற்ற நிறுவன சிறிய கார்களை விட இந்த மாட்டிஸ் கார்களின் விலை ரூ. 33 ஆயிரம் முதல் ரூ. 80 ஆயிரம் வரை விலைகுறைவானது.
நடப்பு நிதி ஆண்டில் 80 ஆயிரம் மாட்டிஸ் கார்களை விற்பனை செய்ய அதாவது கடந்த ஆண்டை விட சுமார் 120 சதவீதம் அதிக விற்பனை எட்ட தேவூநிறுவனம் இலக்கு நிர்ணயித்துள்ளது என்று கார்கள் அறிமுக நிகழ்ச்சியில் மின் தெரிவித்தார்.
இப் புதிய மாடல் கார்களில் திருட்டுத் தடுப்பு, பவர் ஸ்டீரிங் போன்ற வசதிகள் செய்யப்பட்டுள்ளன. இப் புதிய வசதிகள் மக்களை நிச்சயம் கவரும் என்றுஎதிர்பார்ப்பதாகவும் அவர் தெரிவித்தார்.
இந்தியா முழுவதும் தற்போது தேவூ நிறுவனத்துக்கு 121 டீலர்கள் உள்ளனர். அடுத்த மாதத்துக்குள் டீலர்களின் எண்ணிக்கை 150 ஆக உயர்த்த நடவடிக்கைமேற்கொள்ளப்பட்டுள்ளது என்றார் மின்.
யு.என்.ஐ.