அமெரிக்கப் பயணம் ரத்து இல்லை .. வாஜ்பாய்
டெல்லி:
உடல் நலக் குறைவு காரணமாக அடுத்த மாதம் மேற்கொள்ளவுள்ள அமெரிக்கப் பயணத்தை ரத்து செய்யும்எண்ணம் இல்லை என்று பிரதமர் வாஜ்பாய் கூறியுள்ளார்.
கடந்த சில நாட்களாக பிரதமர் வாஜ்பாய் மூட்டுவலியால் அவதிப்பட்டு வருகிறார். ஞாயிற்றுக்கிழமை அவரதுமூட்டு வலி அதிகமானது. இதனால் நாக்பூரில் நடந்த பா.ஜ.க. தேசிய கவுன்சில் கூட்டத்தில் கலந்து கொள்ளாமல்பாதியிலேயே டெல்லி திரும்பினார்.
உடல்நலக் குறைவு காரணமாக அடுத்த மாதம் மேற்கொள்ளவுள்ள அமெரிக்கப் பயணம் ரத்து செய்யப்படலாம்என்று கருதப்படுகிறது. ஆனால், எனது அமெரிக்கப் பயணம் ரத்து செய்யப்படவோ அல்லது பயணத் திட்டம்மாற்றி அமைக்கப்படவோ இல்லை என்று பிரதமர் வாஜ்பாய் கூறியுள்ளார்.
நாக்பூரில் நடைபெற்ற பாஜகவின் தேசியக் குழு குழுக் கூட்டத்தில் கலந்து கொண்டுவிட்டு டெல்லி திரும்பிய அவர்அங்கு நிருபர்களிடம் கூறியதாவது:
எனது கால் மூட்டுப் பகுதியில் வலி இருக்கிறது. மற்றபடி நான் முழு உடல் நலத்துடன் இருக்கிறேன். எனதுஅமெரிக்கப் பயணம் ரத்து செய்யப்படவில்லை. மருத்துவர்கள் என்னை ஓய்வு எடுக்கச் சொல்லியுள்ளனர்.அவ்வளவுதான் என்றார் வாஜ்பாய்.
யு.என்.ஐ.