ஊட்டி பூங்காவில் சீன தூதர்

ஊட்டி:

ஊட்டியிலுள்ள தாவரவியல் பூங்காவை சீன தூதர் வியாழக்கிழமை சுற்றிப் பார்த்தார்.

நீலகிரி மாவட்டம், குன்னூர் வெலிங்டனில் உள்ள ராணுவ முகாமுக்கு சீன தூதர் ஜீஹோகாங் வந்தார். அவருடன்அவரது மனைவியும் வந்திருந்தார்.

அவர்களுக்கு ராணுவ அதிகாரிகள் வரவேற்பு கொடுத்தனர்.ஊட்டியில் உள்ள தாவரவியல் பூங்காவை அவர்கள்சுற்றிப் பார்த்தார்கள்.

அவர்களைத் தோட்டக்கலை இணை இயக்குநர் சண்முகம், உதவி இயக்குநர் பெள்ளி ஆகியோர் வரவேற்றார்கள்.

பூங்காவில் இருந்த விதவிதமான பூக்களை ரசித்துப் பார்த்த அவர்கள், பூங்காவில் உள்ள குறிப்புப் புத்தகத்தில்பூங்காவை விட்டு வெளியேற மனதே இல்லை என்று எழுதி வைத்தார்கள்.

பின்னர் அவர்கள் அருகிலுள்ள ஆதிவாசிகள் வாழும் தோடர் மந்துக்குச் சென்றார்கள். தோடர் இன மக்கள்தயாரித்த கைவினை பொருட்களை ரசித்துப் பார்த்தார்கள்.

அதற்குப்பின் தொட்டபெட்டா, பார்வைமடம் சென்று பார்வையிட்டார்கள். பின்னர் பைக்காரா படகு குழாமைபார்வையிட்டு, படகு சவாரி செய்தார்கள்.