நேபாளப் பிரதமர் ராஜினாமா

காட்மாண்டு:

நேபாளப் பிரதமர் கிரிஜா பிரசாத் கொய்ராலா, தன்னுடைய பதவியை வியாழக்கிழமை ராஜினாமா செய்தார்.

கடந்த மாதம் நேபாள மன்னர் படுகொலை செய்யப்பட்ட சம்பவத்திலிருந்தே நாட்டின் பல்வேறு இடங்களில்வன்முறைச் சம்பவங்கள் நடந்தன.

இதையடுத்து, பிரதமர் பதவியை ராஜினாமா செய்ய வேண்டுமென்று எதிர்க்கட்சிகள் வற்புறுத்தி வந்தன.

மேலும், மாவோஸ்ட் தீவிரவாதிகள் நடத்திய வன்முறைகள் நேபாளத்தையே கிடுகிடுக்க வைத்தன.இத்தீவிரவாதிகள் பல போலீசாரையும் கடத்திச் சென்றதாகவும் கூறப்படுகிறது.

இது தவிர, விமான நிறுவன ஊழலிலும் சிக்கித் தவித்தது நேபாள அரசு.

இதையடுத்து, தன்னுடைய பதவியை ராஜினாமா செய்துள்ளார் பிரதமர் கொய்ராலா.