விரைவில் கோவில்கள் குறித்த வெப்சைட்

நாகர்கோவில்:

தமிழகத்தில் உள்ள கோவில்களின் தல புராணம் உள்ளிட்ட பல்வேறு தகவல்கள் அடங்கிய வெப்சைட் (இணையதளம்) விரைவில் துவக்கப்படும் என்று மாநில இந்து அறநிலையத்துறை ஆணையர் சீனிவாசன் கூறியுள்ளார்.

நாகர்கோவிலில் நிருபர்களிடம் அவர் பேசுகையில்,

தமிழகத்திலுள்ள கோவில்களின் வரலாறு, சிறப்புகள் உள்ளிட்ட பல்வேறு தகவல்கள் அடங்கிய வெப் சைட்விரைவில் துவக்கப்படும். பக்தர்கள் மற்றும் சுற்றுலாப் பயணிகளுக்கு இது பெரும் உதவியாக இருக்கும்.

தமிழகத்திலுள்ள 36,000 கோவில்களுக்கு அறங்காவலர்கள் விரைவில் நியமிக்கப்படுவர். முதல் கட்டமாக 64பெரிய கோவில்களுக்கு அறங்காவலர்கள் நியமனம் செய்யப்படுவர்.

திருவண்ணாமலை, திருத்தணி போன்ற கோவில்களுக்கு விரைவில் கும்பாபிஷேகம் நடைபெறும். கடந்த ஆண்டுகோவில்கள் மூலம் அரசுக்கு ரூ.170 கோடி வருவாய் கிடைத்தது என்றார் சீனிவாசன்.