டென்னிஸ்: வீனஸ் கையில் யுஎஸ் ஓபன் கோப்பை

நியூயார்க்:

யு.எஸ். ஓபன் மகளிர் ஒற்றையருக்கான டென்னிஸ் கோப்பையை அமெரிக்காவின் வீனஸ் வில்லியம்ஸ்தக்கவைத்துக் கொண்டிருக்கிறார்.

நேற்று (சனிக்கிழமை) இரவு நடந்த இறுதிப் போட்டியில், தன் தங்கையான செரினா வில்லியம்ஸை 6-2, 6-4 என்றநேர் செட்டுகளில் தோற்கடித்தார்.

இப்போட்டியில் 2 பேருமே கடுமையாகப் போட்டியிட்ட போதிலும், அக்காவின் வேகத்துக்குத் தங்கையால்ஈடுகொடுக்க முடியவில்லை. திறமையும் அதிர்ஷ்டக் காற்றும் வீனஸ் பக்கமே வீசியதால், அவர் எளிதாக வென்றார்.

இக்கோப்பையை வென்றதன் மூலம் வீனசுக்கு , ரூ.4.25 கோடி பரிசுத் தொகையாகக் கிடைத்தது. 2வது இடம்பெற்ற செரினா ரூ.2.1 கோடி தொகையைப் பெற்றுக் கொண்டார்.

வில்லியம்ஸ் குடும்பத்தினர் தொடர்ந்து 3வது முறையாகத் தொடர்ந்து யு.எஸ். ஓபன் கோப்பையைத் தக்கவைத்துக்கொண்டுள்ளனர். சகோதரிகள் 2 பேரும் இதுவரை 7 முறை மோதியுள்ளனர். அவற்றில் 5 போட்டிகளில் வீனசும்2ல் செரினாவும் வெற்றி பெற்றுள்ளனர்.