ஆண்டிப்பட்டியில் இன்று நடிகர் சரத்குமார் பிரச்சாரம்

தேனி:

ஆண்டிப்பட்டி தொகுதியில் திமுக வேட்பாளர் வைகை சேகரை ஆதரித்து இன்று (ஞாயிற்றுக்கிழமை) முதல் 3நாட்களுக்கு நடிகர் சரத்குமார் பிரச்சாரம் செகிறார்.

ஆண்டிப்பட்டி தொகுதியில் திமுக வேட்பாளராக போட்டியிடும் வைகை சேகருக்கு ஆதரவாக திமுக தலைவர்கள்பலர் தீவிர பிரச்சாரம் செய்து வருகின்றனர்.

இந்நிலையில் நடிகர் சரத்குமார் இன்று முதல் 19ம் தேதி வரை 3 நாட்களுக்கு ஆண்டிப்பட்டி தொகுதியில் தீவிரபிரச்சாரம் செய்ய உள்ளார்.

இன்று மாலை 4 மணிக்கு ஆண்டிப்பட்டி ஒன்றியம் குன்னூரில் தனது பிரச்சாரத்தை தொடங்குகிறார்.

குன்னூர், அமச்சியாபுரம், கண்டமனூர், பாலூத்து, மயிலாடும்பாறை உட்பட பல கிராமங்களுக்கு சென்றுதிமுகவுக்காக வாக்கு சேகரிக்க இருக்கிறார்.