சாத்தான்குளத்தில் வெற்றி உறுதி: அதிமுக மாணவர் அணி சபதம்

சென்னை:

சாத்தான்குளம் இடைத் தேர்தலில் அதிமுக வேட்பாளரின் வெற்றிக்காக கடுமையாக பாடுபடுவதற்கு அதிமுகமாணவர் அணியினர் உறுதி பூண்டுள்ளனர்.

சென்னையில் உள்ள அதிமுக தலைமைக் கழக அலுவகத்தில் மாணவர் அணி ஆலோசனைக் கூட்டம் நடந்தது.

மாணவர் அணி செயலாளரும், எம்.எல்.ஏவுமான விஜயபாஸ்கர் தலைமையில் நடந்த இந்தக் கூட்டத்தில் அவைத்தலைவர் புலமைப் பித்தன், திண்டுக்கல் சீனிவாசன் எம்.பி. உள்ளிட்டோர் கலந்து கொண்டனர்.

கூட்டத்தில் சாத்தான்குளம் இடைத் தேர்தலில் அதிமுக வேட்பாளரின் வெற்றிக்கு கடுமையாக பாடுபடுவது என்றுஉறுதி எடுத்துக் கொள்ளப்பட்டது.

மேலும், அதிமுக மாணவர் அணியின் செயல்பாட்டை வேகப்படுத்தவும் முடிவு எடுக்கப்பட்டது.

இன்றைய கூட்டத்தில் மாணவர்கள் என்ற பெயரில் பல பெரிசுகள் தான் இக் கூட்டத்தில் பங்கேற்றனர். அதிமுகமட்டுமல்ல திமுகவிலும் இதே நிலை தான் என்பது குறிப்பிடத்தக்கது. இந்த இரு கட்சிகளிலுமே இளைஞர்அணியின் இருப்பவர்களில் பெரும்பான்மையினர் 40 பிளஸ் வயதானவர்களாகவும், மாணவர் அணியில்இருப்பவர்களில் பலர் பல் போன ஆசாமிகள் என்பதும் குறிப்பிடத்தக்கது.