மதிமுக அமைச்சர் கார் மீது மோத முயன்ற போலீஸ் வேன்

வேலூர்:

மதிமுக பொதுச் செயலாளர் வைகோவைச் சந்திக்கச் சென்ற மத்திய அமைச்சர் கண்ணப்பனின் கார் மீது எதிரே வந்த போலீஸ் வேன் மோதமுயன்றதாக புகார் கூறப்பட்டுள்ளது.

நிருபர்களிடம் பேசிய கண்ணப்பன் இதனைத் தெரிவித்தார். அவர் கூறுகையில்,

வேலூருக்கு எனது கார் சென்று கொண்டிருந்தபோது எதிரே வந்த போலீஸ் வேன் எனது காரின் மீது மோதும் வகையில் வந்தது. ஆனால்,எனது டிரைவர் சாதுர்யமாக ஓட்டியதால் அதிர்ஷ்டவசமாக உயிர் தப்பினேன்.

பிரதமர் வாஜ்பாய் கலந்துகொண்ட நிகழ்ச்சியில் முதல்வர் ஜெயலலிதா கலந்து கொள்ளாதது, மிகவும் அநாகரீகமான செயல், பிரதமரைஅவமானப்படுத்தும் செயல் என்றார்.

மதிமுகவின் 10 ஆண்டு விழாவையொட்டி வைகோவை அவர் சிறையில் சந்தித்தார்.