வேன், ஸ்கூல் பஸ்களின் வாகன வரி உயர்வு
சென்னை:
ஸ்கூல் பஸ்கள், மேக்சி கேப் வேன்களுக்கான வாகன வரியை தமிழக அரசு உயர்த்தியுள்ளது. இதனால் ஸ்கூல் பஸ் மற்றும் வேன்களின்கட்டணங்கள் கிடுகிடுவென உயரும்.
இன்று சட்டமன்றத்தில் போக்குவரத்துத்துறை அமைச்சர் வைத்தியலிங்கம் இதனைத் தெரிவித்தார். அவர் கூறுகையில்,
ஸ்கூல் பஸ்களில் ஒரு இருக்கைக்கான வரி ரூ. 100ல் இருந்து ரூ. 150 ஆக உயர்த்தப்படுகிறது. 3 மாதத்துக்கு ஒருமுறை இந்த வரிவசூலிக்கப்படும். மேக்சி கேப்களின் ஒரு இருக்கைக்கான வரி ரூ. 250ல் இருந்து ரூ. 500 ஆக உயர்த்தப்படுகிறது. இந்த வாகனங்களுக்குஆண்டு வரி ரூ 2,000ல் இருந்து ரூ. 7,500 ஆக உயர்த்தப்படுகிறது.
இது தவிர வாகனத்தின் மொத்த மதிப்பில் 6 சதவீதம் ஆயுட்கால வரி விதிக்கப்படும். 15 ஆண்டுகள் பழைய வாகனங்களுக்கு பசுமை வரிவிதிக்கப்படும் என்றார்.
இதனால் ஸ்கூல் பஸ், வேன் கட்டணங்கள் பயங்கரமாக உயரப் போகின்றன. குறிப்பாக டூரிஸ்ட் வேன்களின் கட்டணம் பல மடங்காகஉயரலாம்.