ஒரே பஸ்சில் 4 "பிக்பாக்கெட்" பெண்கள் கைது

செஞ்சி (விழுப்புரம்):

விழுப்புரம் மாவட்டம் செஞ்சி அருகே பேருந்தில் பிக்பாக்கெட் அடித்த 4 பெண்களை போலீஸார்கைது செய்தனர்.

செஞ்சி அருகே சம்பந்தகுப்பம் பகுதியைச் சேர்ந்த சின்னப்பன் என்பவர் செஞ்சிக்கு டவுன் பஸ்சில்வந்தார். அப்போது அவரது அருகே நின்று கொண்டிருந்த ஒரு பெண், சின்னப்பனின் சட்டைப்பையில் இருந்த ரூ. 300 பணத்தை திருடினார்.

இதைப் பார்த்த சக பயணிகள், அந்தப் பெண்ணை மடக்கிப் பிடித்து அடித்தனர்.

அப்போது அவருக்கு ஆதரவாக தாக்கம்மாள், மணிமேகலை, அருள் செல்வி ஆகியோர் பேசவந்தனர். அவர்களையும் மக்கள் அடித்த விசாரித்தபோது தான் அவர்களும் பிக்பாக்கெட் பெண்கள்என்பது தெரியவந்தது.

இதையடுத்து அவர்களை காவல் நிலையத்தில் பயணிகள் ஒப்படைத்தனர்.

ஒரே பஸ்சில் நான்கு பிக்பாக்கெட் பெண்கள் இருந்தது பயணிகளையும், போலீஸாரையும்அதிர்ச்சியில் ஆழ்த்தியது.