ஜெயலலிதா இன்று டெல்லி பயணம்

சென்னை:

திட்டக்குழு கூட்டத்தில் கலந்து கொள்வதற்காக முதல்வர் ஜெயலலிதா இன்று மாலை டெல்லி செல்கிறார்.

தமிழகத்திற்கு இந்த ஆண்டுக்கு வழங்க வேண்டிய திட்ட ஒதுக்கீட்டை இறுதி செய்வதற்கான ஆலோசனைக்கூட்டம் டெல்லியில் நாளை நடக்கிறது. இதில் கலந்து கொள்ள முதல்வர் ஜெயலலிதா டெல்லி செல்கிறார்.

நிதியமைச்சர் பொன்னையன், தலைமைச் செயலாளர் லட்சுமி பிரானேஷ், நிதித்துறை செயலாளர் நாாயணன்,திட்டம் மற்றும் வழங்கல் துறை செயலாளர் பிந்து மாதவன், தமிழகத் திட்டக்குழுத் தலைவர் நரேஷ் குப்தாஆகியோரும் உடன் செல்கிறார்கள்.

கடந்த ஆண்டு தமிழகத்திற்கு ரூ.5,750 கோடி நிதி வழங்கப்பட்டது. இந்த ஆண்டு ரூ.7,000 கோடி வழங்கவேண்டும் என ஜெயலலிதா கோரிக்கை விடுக்க உள்ளார்.

காவி நீர் கிடைக்காததால் ஏற்பட்ட பாதிப்பு, வறட்சி நிவாரணப் பணிகள் ஆகியவை காரணமாக கூடுதல் நிதி தரவேண்டும் என முதல்வர் கேட்க உள்ளார். நாளை மாலை ஜெயலலிதா சென்னை திரும்புகிறார்.