வங்கத்தில் உருவாகும் கருணாநிதியின் மெழுகுச் சிலை !

சுசந்தரா ராய் உருவாக்கி வரும் கருணாநிதியின் மெழுகு சிலை

சென்னை:

திமுக தலைவர் கருணாநிதியின் முழு உருவ மெழுகுச் சிலை ஒன்று விரைவில் கட்சித் தலைமை அலுவலகமானஅறிவாலயத்தில் நிறுவப்படவுள்ளது.

இந்த மெழுகுச் சிலை மேற்கு வங்க மாநிலம் பர்த்வான் என்ற பகுதியைச் சேர்ந்த சிற்பி சுசந்தா ராய் என்பவரால்தயாரிக்கப்பட்டு வருகிறது.

அறிவாலயத்தில் வைப்பதற்காக இந்த சிலை தயாரிக்கப்பட்டு வருகிறது. மிகவும் தத்ரூபமாக, கருணாநிதியேநேரில் நிற்பது போல சிலை வடிவமைக்கப்பட்டு உள்ளதாக சுசந்த ராய் கூறியுள்ளார்.

சுசந்தா ராய், ஏற்கனவே ஜோதிபாசு உள்ளிட்ட பல்வேறு தலைவர்களின் மெழுகுச் சிலைகளை வடிவமைத்தவர்என்பது குறிப்பிடத்தக்கது.