எங்கள் கட்சியில் வேட்டி கிழிப்பு இல்லை: இளங்கோவனுக்கு பா.ஜ.க பதிலடி

சென்னை:

பா.ஜ.கவை ஒரு கட்சியாகவே கருதவில்லை என்று காங்கிரஸ் செயல் தலைவர் இளங்கோவன் கூறியுள்ளதற்கு,தமிழக பாரதிய ஜனதாக் கட்சி பொதுச் செயலாளர் எச்.ராஜா கடும் கண்டனம் தெரிவித்துள்ளார்.

தேவர் சிலைக்கு மாலை அணிவிக்க வந்த இளங்கோவன் செய்தியாளர்களிடம் பேசுகையில், பா.ஜ.க.வை நான்ஒரு கட்சியாகவே கருதவில்லை. எனவே அது குறித்து நான் விமர்சிப்பதும் இல்லை என்று கிண்டலாககூறியிருந்தார். இது பா.ஜ.க. வட்டாரத்தில் கடுப்பை ஏற்படுத்தியுள்ளது.

பா.ஜ.க. மாநில பொதுச் செயலாளரும், காரைக்குடி சட்டமன்றத் தொகுதி உறுப்பினருமான எச்.ராஜா இதுகுறித்துகூறுகையில், தனது கட்சியில் உள்ளதைப் போல வேட்டி, சட்டை கிழிப்பு, அடிதடி, கோஷ்டி மோதல்,உண்ணாவிரதம், போட்டிக்கு உண்ணும் விரதம் என எதுவும் எங்களது கட்சியில் இல்லாத காரணத்தால்தான்,பா.ஜ.க.வை ஒரு கட்சியாக கருத முடியவில்லை என்று இளங்கோவன் கூறுகிறார் போவிருக்கிறது.

உண்மையில், நாங்கள் காங்கிரஸ் கட்சியை தேசிய கட்சியாகவே கருத முடியவில்லை. இந்தியாவைச் சேர்ந்தஒருவரைத் தலைவராக கொள்ள முடியாத, தலைவராகத் தேர்ந்தெடுக்கும் தகுதி இல்லாத கட்சியின் மாநிலஅளவிலான ஒரு கோஷ்டியின் தலைவராக இருக்கும் இளங்கோவன், பா.ஜ.க.வை குறை சொல்லலாயக்கில்லாதவர் என்று கூறினார் ராஜா.